For the best experience, open
https://m.gujaratmirror.in
on your mobile browser.
Advertisement

ચેન્નાઇ સામે સ્ટોઇનિસની સુપર સદી, લખનૌ ‘કિંગ’

01:22 PM Apr 24, 2024 IST | Bhumika
ચેન્નાઇ સામે સ્ટોઇનિસની સુપર સદી  લખનૌ ‘કિંગ’
  • ચેન્નાઇના સુકાની ગાયકવાડના અણનમ 108 રન એળે ગયા

ચેન્નાઈ સામે લખનૌના ઓલરાઉન્ડર માર્કસ સ્ટોઈનિસે 124 રનની અણનમ ઈનિંગ્સ રમતા એકલાહાથે ટીમને છ વિકેટે જીત અપાવવામાં નોંધપાત્ર ભૂમિકા ભજવી હતી. ચેન્નાઈ સુપર કિંગ્સના સુકાની ઋતુરાજ ગાયકવાડના અણનમ 108 રનના સહારે 20 ઓવરમાં ચાર વિકેટે 210 રનનો વિરાટ સ્કોર નોંધાવ્યો હતો. જવાબમાં એલએસજીએ ખરાબ શરૂઆત છતાં સ્ટોઈનિસના 63 બોલમાં 124 રનની દમદાર ઈનિંગ્સની મદદથી ત્રણ બોલ બાકી રાખીને ચાર વિકેટે 213 રન કરીને લક્ષ્ય પ્રાપ્ત કરી લેતા છ વિકેટે સુપર વિજય મેળવ્યો હતો.

Advertisement

લખનૌને અંતિમ પાંચ ઓવરમાં જીત માટે 74 રનની જરૂૂર હતી જે લગભગ અસંભવ લાગી રહ્યું હતું. માર્કસ સ્ટોઈનિસે એક છેડો સંભાળી રાખીને આ સંભવ કરી બતાવ્યું હતું. આ સાથે જ લખનૌ આ સિઝનમાં ચેન્નાઈ સામે હોમ અને અવે બંને મેચમાં અજેય રહ્યું છે. ચેન્નાઈના બોલર્સ ડેથ ઓવર્સમાં લખનૌના રનની રફતારને રોકવામાં નિષ્ફળ ગયા હતા અને પરિણામે ગાયકવાડની સદી પર પાણી ફરી વળ્યું હતું.

સીએસકેના 211 રનના લક્ષ્યને પાર પાડવા ઉતરેલી લખનૌ સુપર જાયન્ટ્સની શરૂૂઆત કંગાળ રહી હતી. ઈનિંગ્સના ત્રીજા બોલ પર જ ઓપનર ક્વિન્ટન ડી કોક (શૂન્ય) આઉટ થયો હતો. ત્યારબાદ સુકાની કે એલ રાહુલ એક ચોગ્ગો અને એક છગ્ગો ફટકારીને 14 બોલમાં 16 રન કરીને મુસ્તફિઝુરના બોલને ફટકારવા જતા ગાયકવાડના હાથે કેચ આઉટ થયો હતો. પાવરપ્લેમાં બે વિકેટ ગુમાવતા એલએસજી માટે ટારગેટ મુશ્કેલ જણાતો હતો. માર્ક્સ સ્ટોઈનિસે ઝંઝાવાતી બેટિંગ કરતા 63 બોલમાં 13 ચોગ્ગા અને છ છગ્ગા ફટકારીને 124 રનની અણનમ ઈનિંગ્સ રમીને ટીમને જીત તરફ દોરી ગયો હતો. ઈમ્પેક્ટ પ્લેયર દેવદત્ત પડીક્કલ (13) ખાસ સફળ રહ્યો નહતો. વેસ્ટ ઈન્ડિઝના બેટ્સમેન નિકોલસ પુરને (34) સ્ટોઈનિસ સાથે ચોથી વિકેટ માટે 70 રનની પાર્ટનરશિપ કરી હતી. ત્યારબાદ દીપક હૂડા છ બોલમાં 17 રન કરીન નોટ આઉટ રહ્યો હતો અને પાંચમી વિકેટ માટે 55 રનની અજેય ભાગીદારી કરી હતી. લખનૌને બે ઓવરમાં જીત માટે 32 રનની જરૂૂર હતી. પથિરાનાએ 19મી ઓવર ફેંકી હતી જેમાં ત્રણ ચોગ્ગા સાથે 15 રન આપ્યા હતા. અંતિમ ઓવરમાં જીત માટે જરૂૂરી 17 રન સામે મુસ્તફિઝુરે લાઈન લેન્થ વગરની બોલિંગ કરી હતી. સ્ટોઈનિસે પ્રથમ બોલ પર છગ્ગો અને બીજા બોલ પર ચોગ્ગો ફટકાર્યો હતો. ત્યારપછી મુસ્તફિઝુરે બોલ નો-બોલ ફેંક્યો હતો જેના પર ચોગ્ગો આપતા મેચ એકતરફી બની રહી હતી. ત્રીજા બોલ પર સ્ટોઈનિસે વિજયી ચોગ્ગો ફટકારતા લખનૌનો છ વિકેટે શાનદાર વિજય થયો હતો. ચેન્નાઈ તરફથી સાત બોલર્સ અજમાવાવમાં આવ્યા હતા જે પૈકી પથિરાનાએ બે વિકેટ અને મુસ્તફિઝુર તથા દીપક ચાહરે એક-એક વિકેટ મેળવી હતી.

Advertisement

ટોસ જીતીને લખનૌ સુપર જાયન્ટ્સે પ્રથમ ફિલ્ડિંગ લીધી હતી. ચેન્નાઈના સુકાની ઋતુરાજ ગાયકવાડે 60 બોલમાં 108 રનની અણનમ ઈનિંગ્સ રમી હતી જેમાં 12 ચોગ્ગા અને ત્રણ છગ્ગાનો સમાવેશ થયો હતો. રહાણે (1), ડેરિલ મિચેલ (11), રવિન્દ્ર જાડેડા (16) ખાસ યોગદાન આપી શક્યા નહા. ગાયકવાડે એક છેડેથી રન બનાવાવનું ચાલુ રાખ્યું હતું. સીએસકેના હિટર શિવમ દુબેએ તેનો સાથ આપતા 27 બોલમાં ત્રણ ચોગ્ગા અને સાત છગ્ગાની મદદથી 66 રનની ઝડપી ઈનિંગ્સ રમી હતી. બંને વચ્ચે ચોથી વિકેટ માટે 101 રનની પાર્ટનરશિપ થઈ હતી. એમ એસ ધોની એક બોલમાં ચોગ્ગો ફટકારીને અણનમ રહ્યો હતો. ગાયકવાડે યશ ઠાકુરના બોલ પર પહેલા છગ્ગો અને બાદમાં ચોગ્ગો

Advertisement
Tags :
Advertisement
Advertisement