For the best experience, open
https://m.gujaratmirror.in
on your mobile browser.
Advertisement

બાંગ્લાદેશને હરાવીને શ્રીલંકાનો બીજી ટેસ્ટ સિરીઝ પર કબજો

01:08 PM Apr 04, 2024 IST | Bhumika
બાંગ્લાદેશને હરાવીને શ્રીલંકાનો બીજી ટેસ્ટ સિરીઝ પર કબજો
  • કામિન્દુ મેન્ડિસ મેન ઓફ ધ મેચ અને મેન ઓફ ધ સિરીઝ જાહેર

બીજી ક્રિકેટ ટેસ્ટમાં બાંગ્લાદેશને 192 રનથી હરાવવાની સાથે બે ટેસ્ટની સિરીઝ 2-0થી જીતી લીધી હતી. બીજી ટેસ્ટ જીતવા અને સિરીઝ સરભર કરવા માટે બાંગ્લાદેશ સામે 511 રનનો પહાડ જેવો લક્ષ્યાંક હતો જેની સામે તેણે સારો એવો પ્રતિકાર કર્યો હતો પરંતુ અંતે તેના તમામ ખેલાડી 318 રનના સ્કોર સુધીમાં આઉટ થઈ ગયા હતા.

Advertisement

શ્રીલંકાના કામિન્દુ મેન્ડીસને મેન ઓફ ધ મેચ અને મેન ઓફ ધ સિરીઝ જાહેર કરાયો હતો. વર્તમાન પ્રવાસમાં શ્રીલંકાએ 2-1થી ટી20 સિરીઝ જીતી હતી પરંતુ એટલા જ અંતરથી વન-ડે સિરીઝ ગુમાવી હતી. અહીં રમાયેલી બીજી ટેસ્ટમાં બાંગ્લાદેશે પાંચમા અને અંતિમ દિવસની રમતનો પ્રારંભ સાત વિકેટે 268 રનના સ્કોરથી કર્યો હતો. તે વખતે તેમને જીતવા માટે વધુ 243 રનની જરૂૂર હતી પરંતુ 318 રનના સ્કોર સુધીમાં પહોંચતા તેના તમામ બેટ્સમેન આઉટ થઈ ગયા હતા. બાંગ્લાદેશ માટે મહેદી હસન મિરાઝે અણનમ 81 રન ફટકારીને સારી લડત આપી હતી. બાંગ્લાદેશની બીજી ઇનિંગ્સનું પ્રમુખ આકર્ષણ મહેદી હસનની બેટિંગ રહી હતી. તેણે 110 બોલની રમતમાં 14 ચોગ્ગા ફટકાર્યા હતા. શ્રીલંકા માટે કામચલાઉ બોલિંગ કરનારા કામિન્દુ મેન્ડીસે 32 રનમાં ત્રણ વિકેટ ઝડપી હતી પરંતુ લાહિરુ કુમારા સૌથી સફળ રહ્યો હતો. તેણે 15 ઓવરમાં 50 રન આપીને ચાર વિકેટ ઝડપી હતી. સવારના તબક્કામાં મેન્ડીસે ચોથી જ ઓવરમાં તાઇજૂલ ઇસ્લામને આઉટ કરીને શ્રીલંકાના વિજયનો માર્ગ મોકળો કરી દીધો હતો.

Advertisement
Advertisement
Tags :
Advertisement
Advertisement