સ્વપ્નિલ કુસાલે શૂટિંગમાં રચ્યો ઇતિહાસ, પેરિસ ઓલિમ્પિકમાં ભારતને મળ્યો ત્રીજો મેડલ

રમતગમતના સૌથી મોટા મહાકુંભ પેરિસ ઓલિમ્પિકમાં છઠ્ઠા દિવસે એટલે કે આજે ભારતીય ખેલાડીઓ પણ ધૂમ મચાવી રહ્યા છે. સ્ટાર શૂટર સ્વપ્નિલ કુસલેએ 50 મીટર રાઇફલ 3 પોઝિશનમાં ભારત માટે બ્રોન્ઝ મેડલ જીત્યો હતો. આ રીતે ભારતે હવે ઓલિમ્પિકમાં ત્રીજો મેડલ જીત્યો છે. ભારતના શૂટિંગ, બેડમિન્ટન, બોક્સિંગ, તીરંદાજી, ગોલ્ફ, હોકી, સેલિંગ જેવી ઈવેન્ટ્સમાં ભાગ લઈ રહ્યા છે.

વધુ એક ભારતીય શૂટરે ઓલિમ્પિકમાં ત્રિરંગો લહેરાવ્યો છે. શૂટર સ્વપ્નિલ કુસલેએ 50 મીટર રાઇફલ થ્રી પોઝિશનમાં બ્રોન્ઝ મેડલ જીત્યો છે. સ્વપ્નિલ કુસલેની આ જીત ઐતિહાસિક છે કારણ કે તે આ ઈવેન્ટમાં ઓલિમ્પિક મેડલ જીતનાર પ્રથમ ભારતીય છે. કોલ્હાપુરના આ 29 વર્ષના શૂટર માટે આ પ્રથમ ઓલિમ્પિક છે. આ ખેલાડીએ પહેલા જ ઓલિમ્પિકમાં મેડલ જીત્યો હતો. આ ખેલાડી 12 વર્ષથી ઓલિમ્પિક માટે ક્વોલિફાય કરવાનો પ્રયાસ કરી રહ્યો હતો અને જ્યારે તેને પેરિસમાં તક મળી ત્યારે તેણે ઈતિહાસ રચ્યો.

સ્વપિનલ કુસલેએ 451.4 પોઈન્ટ સાથે બ્રોન્ઝ મેડલ જીત્યો હતો. તેણે વિશ્વના નંબર 1 શૂટરને હરાવીને બ્રોન્ઝ મેડલ જીત્યો હતો. ભારત માટે ઓલિમ્પિક મેડલ જીતનાર સ્વપ્નિલ કુસલે માત્ર 7મો શૂટર છે. પેરિસ ઓલિમ્પિકમાં ભારત માટે અત્યાર સુધીમાં ત્રણ શૂટર્સે મેડલ જીત્યા છે. મનુ ભાકરે 10 મીટર એર પિસ્તોલ વ્યક્તિગત અને મિશ્ર સ્પર્ધામાં બ્રોન્ઝ મેડલ જીત્યો હતો, તેની સાથે સરબજોતે પણ મેડલ જીત્યો હતો. હવે સ્વપ્નીલે 50 મીટર રાઈફલ થ્રી પોઝિશનમાં બ્રોન્ઝ મેડલ જીતીને ઈતિહાસ રચ્યો છે.