રણજી ટ્રોફીની ધમાકેદાર શરૂઆત, એક જ દિવસમાં પાંચ બેટ્સમેનોએ સદી ફટકારી

અભિનવ, લલિત, આયુષ, સનત સાંગવાની બેવડી સદી

2025-26 રણજી ટ્રોફીની શરૂૂઆત શાનદાર રહી છે. ટુર્નામેન્ટના પહેલા બે દિવસમાં બેટ્સમેનોએ ઘણી શાનદાર ઈનિંગ્સ રમી છે. 16 ઓક્ટોબર રણજી ટ્રોફીના પહેલા રાઉન્ડના બીજા દિવસે, પાંચ બેટ્સમેનોએ બેવડી સદી ફટકારી હતી.

ગોવા 2025-26 રણજી ટ્રોફીનો પોતાનો પહેલો મેચ ચંદીગઢ સામે રમી રહ્યું છે. અભિનવ તેજરાનાએ આ મેચની પહેલી ઈનિંગમાં સદી ફટકારી હતી. અભિનવે 320 બોલનો સામનો કર્યો અને ચાર છગ્ગા અને 21 ચોગ્ગાની મદદથી 205 રન બનાવ્યા. નોંધપાત્ર રીતે, તેણે આ શાનદાર ઈનિંગ તેની પહેલી જ ફર્સ્ટ-ક્લાસ મેચમાં રમી હતી. અભિનવ તેજરાના ઉપરાંત, લલિત યાદવે પણ ચંદીગઢ સામે બેવડી સદી ફટકારી હતી. લલિત યાદવે 22 ચોગ્ગા અને 4 છગ્ગાની મદદથી 213 રન બનાવ્યા હતા. તેણે 393 બોલનો સામનો કર્યો હતો, જેના કારણે ગોવાને પ્રથમ ઈનિંગમાં 566 રન બનાવવામાં મદદ મળી.

દિલ્હી તરફથી આયુષ દોસેજાએ પણ બેવડી સદી ફટકારી હતી, જેમાં તેણે 209 રન બનાવ્યા હતા. તેણે હૈદરાબાદ સામે આ ઈનિંગ રમી હતી. આયુષ દોસેજાએ આ ઈનિંગમાં કુલ 279 બોલનો સામનો કર્યો હતો અને 25 ચોગ્ગા અને 5 છગ્ગા ફટકાર્યા હતા. દિલ્હીના સનત સાંગવાને પણ હૈદરાબાદ સામે બેવડી સદી ફટકારી હતી. સનત સાંગવાને 211 રન બનાવ્યા હતા, જેમાં 21 ચોગ્ગા અને બે છગ્ગાનો સમાવેશ થતો હતો. નોંધનીય છે કે, સનત સાંગવાનને આ વર્ષની શરૂૂઆતમાં વિરાટ કોહલીએ તેનું બેટ ભેટમાં આપ્યું હતું.

બિહારના બેટ્સમેન આયુષ લોહારુકાએ પણ 2025-26 રણજી ટ્રોફીના પહેલા રાઉન્ડમાં બેવડી સદી ફટકારી હતી. તેણે અરુણાચલ પ્રદેશ સામે 247 બોલમાં 226 રન બનાવ્યા હતા, જેમાં 37 ચોગ્ગા અને એક છગ્ગાનો સમાવેશ થાય છે. આનાથી બિહારને પ્રથમ ઈનિંગમાં 542 રનનો સ્કોર બનાવવામાં મદદ મળી.