OMG, નામિબિયાએ સાઉથ આફ્રિકાને 4 વિકેટે હરાવ્યું

ખાનગી ક્રિકેટ સ્ટેડિયમના ઉદઘાટન પ્રસંગે મેચ યોજાઇ હતી

ક્રિકેટ ઈતિહાસ આશ્ચર્યજનક પરિણામોથી ભરેલો છે. નબળી ટીમોનો મજબૂત ટીમોને હરાવવાનો લાંબો ઈતિહાસ રહ્યો છે. વર્લ્ડ કપથી લઈને દ્વિપક્ષીય મેચો સુધી, નાની ટીમોએ ઘણીવાર તેમના મજબૂત વિરોધીઓને હરાવ્યા છે. પરંતુ નામિબિયા ક્રિકેટ ટીમે જે હાંસલ કર્યું તે કદાચ આશ્ચર્યજનક છે.

તાજેતરમાં ટી-20 વર્લ્ડ કપ 2026 માટે ક્વોલિફાય થયેલી નામિબિયા ક્રિકેટ ટીમે તેના ઈતિહાસમાં સૌથી મોટી જીત નોંધાવી. રુબેન ટ્રમ્પેલમેનના યાદગાર પ્રદર્શનના આધારે, નામિબિયાએ દક્ષિણ આફ્રિકાને ટી-20 મેચમાં ચાર વિકેટથી હરાવ્યું. નામિબિયા અને દક્ષિણ આફ્રિકા વચ્ચે કોઈપણ ફોર્મેટમાં આ પ્રથમ આંતરરાષ્ટ્રીય મેચ હતી, અને નાની અને નબળી આફ્રિકન ટીમે ઐતિહાસિક જીત મેળવી.

શનિવારે નામિબિયાના ક્રિકેટ માટે ખૂબ જ ખાસ દિવસ હતો. દક્ષિણ આફ્રિકા પર વિજય મેળવ્યા પહેલા જ, આ દિવસ દેશના ક્રિકેટ ક્ષેત્રે એક મહત્વપૂર્ણ સીમાચિહ્નરૂૂપ બની ગયો હતો. રાજધાની વિન્હોકમાં નામિબિયાના પ્રથમ બિન-ખાનગી ક્રિકેટ સ્ટેડિયમનું ઉદ્ઘાટન થઈ રહ્યું હતું. આ મેદાનનું ઉદ્ઘાટન ત્યાં રમાયેલી પ્રથમ આંતરરાષ્ટ્રીય મેચ સાથે થયું હતું, અને સંયોગથી, દક્ષિણ આફ્રિકા અને નામિબિયા વચ્ચેની પ્રથમ મેચ દ્વારા તે વધુ ખાસ બન્યું હતું. બંનેએ અગાઉ ક્યારેય ઓડીઆઇ કે ટી-20 ક્રિકેટમાં એકબીજાનો સામનો કર્યો ન હતો.