નકવીની નફ્ફટાઇ, સમારોહ યોજાય તો ભારતને ટ્રોફી આપવા શરત મૂકી

BCCI-ACCની બેઠકમાં પણ આ મુદ્દો ઉઠાવશે

ટીમ ઈન્ડિયાએ એશિયા કપ 2025માં પાકિસ્તાન સામે 5 વિકેટથી ઐતિહાસિક વિજય મેળવ્યો. સમગ્ર ટુર્નામેન્ટ દરમિયાન પાકિસ્તાનનું અપમાન થયું હતું અને હાર બાદ, એશિયા કપ ફાઇનલમાં ફરીથી અપમાનિત થવાની તૈયારીમાં છે.

પાકિસ્તાનના ગૃહમંત્રી મોહસીન નકવીને ટ્રોફી ચોર કહેવું ખોટું નહીં હોય. ભારતીય ટીમે વિજય પછી નકવી પાસેથી ટ્રોફી સ્વીકારવાનો ઇનકાર કર્યો હતો. આ પછી, નકવીએ હવે એક નવો નાટક રચ્યું છે. તેમણે ભારતને જ ટ્રોફી આપવાનો આગ્રહ રાખ્યો હતો અને હવે એક એવી માંગણી વ્યક્ત કરી છે જે એક નવો વિવાદ સર્જે તેવી શક્યતા છે.

એશિયન ક્રિકેટ કાઉન્સિલ (ACC) ના વડા મોહસીન નકવીએ એશિયા કપ વિજેતા ટીમના મેડલ ભારતીય ટીમને સોંપવાની ઇચ્છા વ્યક્ત કરી હોવાનું કહેવાય છે. જોકે, તેમણે એક શરત મૂકી છે, તેઓ ઔપચારિક સમારોહ યોજાયા પછી જ ટ્રોફી ભારતને સોંપવા માંગે છે. ક્રિકબઝના અહેવાલ મુજબ, નકવીએ એશિયા કપ આયોજકોને પોતાની શરત જણાવી છે.

જોકે, આવા સમારોહ થવાની શક્યતા ખૂબ જ ઓછી માનવામાં આવે છે.ભારતના એવોર્ડ સમારોહ પછી મોહસીન નકવી સ્ટેડિયમ છોડીને ચાલ્યા ગયા. જોકે, આ વિવાદ અટકશે નહીં; BCCI એ આંતરરાષ્ટ્રીય ક્રિકેટ પરિષદની બેઠકમાં આ મુદ્દો ઉઠાવવાનું વચન આપ્યું છે. અહેવાલો અનુસાર, BCCI 30 સપ્ટેમ્બર, મંગળવારના રોજ દુબઈમાં ACC ની બેઠકમાં પણ આ મુદ્દો ઉઠાવશે, જે IST બપોરે લગભગ 3:30 વાગ્યે શરૂૂ થશે.