ચેમ્પિયન ટ્રોફીમાં ભારતની ફાઈનલ સેમિફાઈનલ દુબઈમાં રમાડાશે

આવતા વર્ષે ચેમ્પિયન્સ ટ્રોફીનું આયોજન થવાનું છે. ઇન્ટરનેશનલ ક્રિકેટ કાઉન્સિલ (ઈંઈઈ) પહેલાથી જ આ ટૂર્નામેન્ટને હાઇબ્રિડ મોડલમાં આયોજિત કરવાની માહિતી આપી ચૂકી છે. દરમિયાન, પીટીઆઈએ રવિવારે અહેવાલ આપ્યો હતો કે ભારત તેની તમામ મેચો દુબઈમાં રમી શકે છે. તે જ સમયે, જો રોહિત શર્મા અને કંપની સેમિ-ફાઇનલ અને ફાઇનલ માટે ક્વોલિફાય કરવામાં સફળ થાય છે, તો પણ તેઓ તેમની તમામ મેચો માત્ર સંયુક્ત આરબ અમીરાત (ઞઅઊ)માં જ રમશે.

પીટીઆઈએ પાકિસ્તાન ક્રિકેટ બોર્ડના નજીકના એક સૂત્રને ટાંકીને જણાવ્યું હતું કે પીસીબી અધ્યક્ષ મોહસિન નકવી અને તેમના યુએઈ સમકક્ષ શેખ નાહયાન અલ મુબારક વચ્ચેની બેઠક બાદ દુબઈને તટસ્થ સ્થળ તરીકે પસંદ કરવામાં આવ્યું છે.

આઈસીસીએ હજુ સુધી ચેમ્પિયન્સ ટ્રોફીના કાર્યક્રમની પુષ્ટિ કરી નથી. આઈસીસીએ કહ્યું કે આગામી ટુર્નામેન્ટનું સમયપત્રક ટૂંક સમયમાં જાહેર કરવામાં આવશે. આ ટુર્નામેન્ટમાં કુલ આઠ ટીમો ભાગ લેશે, જેમાં ભારત અને પાકિસ્તાન સિવાય અફઘાનિસ્તાન, ઓસ્ટ્રેલિયા, બાંગ્લાદેશ, ઈંગ્લેન્ડ, ન્યુઝીલેન્ડ અને દક્ષિણ આફ્રિકા છે.

ચેમ્પિયન્સ ટ્રોફીમાં ભારતની પ્રથમ મેચ બાંગ્લાદેશ સામે થઈ શકે છે. ચેમ્પિયન્સ ટ્રોફીની શરૂૂઆત પાકિસ્તાન અને ન્યૂઝીલેન્ડ વચ્ચેની મેચથી થશે. ટૂર્નામેન્ટના બીજા દિવસે ભારત તેની પ્રથમ મેચ બાંગ્લાદેશ સામે રમી શકે છે. ચેમ્પિયન્સ ટ્રોફીની હાઈવોલ્ટેજ મેચમાં ભારત અને પાકિસ્તાનની ટીમો સામસામે ટકરાશે.

આ મેચ 23 ફેબ્રુઆરીએ તટસ્થ સ્થળે રમાશે. ભારતની આગામી મેચ 2 માર્ચે ન્યુઝીલેન્ડ સામે થશે.
ટૂર્નામેન્ટમાં આઠ ટીમો ભાગ લેશે, જેને બે ગ્રુપમાં વહેંચવામાં આવશે. દરેક જૂથમાંથી ટોચની બે ટીમો સેમિફાઇનલમાં પ્રવેશ કરશે. પહેલા ગ્રુપમાં પાકિસ્તાન, ભારત, ન્યુઝીલેન્ડ અને બાંગ્લાદેશની ટીમો હોઈ શકે છે જ્યારે બીજા ગ્રુપમાં ઓસ્ટ્રેલિયા, દક્ષિણ આફ્રિકા, અફઘાનિસ્તાન અને ઈંગ્લેન્ડની ટીમો હોઈ શકે છે. ચેમ્પિયન ટ્રોફી 19 ફેબ્રુઆરીથી શરુ થવાની છે.