ભાડાની રકમ થકી હિટમેન રોહિત શર્મા પ્રતિ માસ કરે છે લાખોની કમાણી

ભારતીય વન ડે અને ટેસ્ટ ક્રિકેટ ટીમના કેપ્ટન રોહિત શર્માનું ક્રિકેટની સાથે રિયલ એસ્ટેટમાં રોકાણ પણ એટલું જ શાનદાર છે. ઓપનર બેટ્સમેન અને હિટમેન તરીકે જાણીતા રોહિત શર્માએ હાલમાં જ મુંબઈના લોઅર પરેલમાં પોતાનું એપાર્ટમેન્ટ ભાડે આપ્યું છે, જેમાંથી તે દર મહિને લાખો રૂૂપિયા કમાશે. રોહિત શર્માનું આ એપાર્ટમેન્ટ મુંબઈના સેન્ટ્રલ વિસ્તારના લોઅર પરેલમાં આવેલું છે. તે લોધા માર્કીઝ - ધ પાર્ક પ્રોજેક્ટનો એક ભાગ છે. તેને મેક્રોટેક ડેવલપર્સ (લોઢા ગ્રુપ) દ્વારા બનાવવામાં આવ્યું છે. તે 7 એકરમાં ફેલાયેલો એક રેડી-ટુ-મૂવ રેસિડેન્શિયલ પ્રોજેક્ટ છે.
લોઅર પરેલ મુંબઈનું મુખ્ય રહેણાંક અને કોમર્શિયલ હબ છે.

તે બાંદ્રા-કુર્લા કોમ્પ્લેક્સ (BKC) અને નરીમાન પોઈન્ટ જેવા શહેરના મુખ્ય બિઝનેસ ડિસ્ટ્રિક્ટસ સાથે સારી રીતે જોડાયેલ છે. આ કારણે આ વિસ્તાર લક્ઝરી એપાર્ટમેન્ટ અને હાઈ-એન્ડ સુવિધાઓ માટે જાણીતો છે. આ એપાર્ટમેન્ટનો કુલ કાર્પેટ એરિયા 1,298 ચોરસ ફૂટ છે. તેમાં બે કાર પાર્કિંગ જગ્યા પણ સામેલ છે. આ ભાડાના કરાર માટે રૂૂપિયા 16,300ની સ્ટેમ્પ ડ્યુટી અને રૂૂપિયા 1,000ની નોંધણી ફી ચૂકવવામાં આવી છે.

દસ્તાવેજો અનુસાર, રોહિત શર્મા અને તેના પિતા ગુરુનાથ શર્માએ આ એપાર્ટમેન્ટ માર્ચ 2013માં 5.46 કરોડ રૂૂપિયામાં ખરીદ્યું હતું. હાલમાં આ મકાન રૂૂપિયા 2.6 લાખના માસિક ભાડા પર આપવામાં આવ્યું છે. રોહિત શર્મા અને તેના પિતા પાસે લોઢા માર્ક્વિસ - ધ પાર્કના નામે બીજું એપાર્ટમેન્ટ છે, જે તેમણે 2013માં રૂૂ. 5.70 કરોડમાં ખરીદ્યું હતું. આ એપાર્ટમેન્ટ ઓક્ટોબર 2024માં દર મહિને 2.65 લાખ રૂૂપિયામાં ભાડે આપવામાં આવ્યું હતું.