રાંચી મેચ બાદ ગંભીર રોહિત વચ્ચે બઘડાટી !

ડ્રેસિંગ રૂમના ફોટા સોશિયલ મીડિયામાં વાયરલ

ભારત અને દક્ષિણ આફ્રિકા વચ્ચે ત્રણ મેચની ODI શ્રેણીની પહેલી મેચ ભારતે રાંચીના JSCA ઇન્ટરનેશનલ સ્ટેડિયમમાં 17 રનથી મેચ જીતી હતી. વિરાટ કોહલી અને રોહિત શર્મા બંનેએ પોતાના બેટથી શાનદાર પ્રદર્શન કર્યું. વિરાટ કોહલીએ સદી ફટકારી, ત્યારે રોહિત શર્માએ ODI માં સતત ત્રીજી વખત પચાસ-પ્લસનો સ્કોર બનાવ્યો.

જોકે, મેચ પછી, ડ્રેસિંગ રૂૂમમાંથી રોહિત શર્મા અને ગૌતમ ગંભીરના કેટલાક ફોટા ઝડપથી વાયરલ થઈ રહ્યા છે.
મેચ પછી, ડ્રેસિંગ રૂૂમમાંથી ભારતીય ટીમના મુખ્ય કોચ ગૌતમ ગંભીર અને ભૂતપૂર્વ કેપ્ટન રોહિત શર્માના ઘણા અલગ-અલગ ફોટા સોશિયલ મીડિયા પર વાયરલ થઈ રહ્યા છે. આ ફોટામાં, ગૌતમ ગંભીર અને રોહિત શર્મા વાત કરતા જોવા મળે છે. જો કે, ફોટા જોઈને એવું લાગે છે કે બંને વચ્ચે કોઈ ચર્ચા થઈ નથી. બંને ખૂબ ગંભીર દેખાય છે. વાયરલ ફોટા સૂચવે છે કે તેઓ કોઈ બાબતે દલીલ કરી રહ્યા હતા.