For the best experience, open
https://m.gujaratmirror.in
on your mobile browser.
Advertisement

સૌરાષ્ટ્ર યુનિવર્સિટી કે ભવાડા યુનિવર્સિટી? GCAS પોર્ટલમાં છબરડાનો સિલસિલો જારી

05:31 PM Apr 05, 2024 IST | Bhumika
સૌરાષ્ટ્ર યુનિવર્સિટી કે ભવાડા યુનિવર્સિટી  gcas પોર્ટલમાં છબરડાનો સિલસિલો જારી
  • કુલપતિ અને કુલસચિવ સામે શિક્ષાત્મક પગલાં ભરવા રોહિતસિંહ રાજપૂતની માગણી

Advertisement

રાજ્ય સરકારના કોમન પ્રવેશ પોર્ટલમાં ગોટાળાની હારમાળા સર્ઝતી સૌરાષ્ટ્ર યુનિવર્સિટીને ભવાડા યુનિવર્સિટીનું બિરૂદ આપી આ માટે જવાબદાર કુલપતિ અને કુલસચિવ સામે પગલા ભરવા ગુજરાત કોંગ્રેસના પ્રવકતા અને વિદ્યાર્થી અગ્રણી રોહિતસિંહ રાજપુતે માંગણી કરી છે. આ અંગેની યાદીમાં જણાવાયું છે કે સૌરાષ્ટ્ર યુનિવર્સિટી દ્વારા રાજ્ય સરકારના કોમન પ્રવેશ પોર્ટલમાં ગોટાળા કરવામાં કઈ બાકી રાખ્યું નથી. પેહલા જોડાણ રદ કરેલી નેશનલ કોલેજ ફોર ઇન્ટિરિયર ડિઝાઈનનું નામ ખોટી રીતે પોર્ટલમાં અપલોડ કરાયુ. પછી બી.એડ. ના કોલેજોમાં વિષયો મુકવામાં આવ્યા નહિં, પરીણામે વિદ્યાર્થીઓ કંઈ કોલેજમાં કયા વિષય ચાલે છે તે જાણી શકતા ન હતા.

કકખ કોલેજોના જોડાણ માટે રાજ્ય સરકારનું માર્ગદર્શન માગ્યું હોવા છતાં પોર્ટલમાં વિગતો અપલોડ કરી. ચોથા ભવાડામાં સૌરાષ્ટ્ર યુનિવર્સિટીના પીએચ.ડી. ના વિષયોની અને જગ્યાની માહિતી પોર્ટલ પર મુકવામાં આવી ન હતી. ગુજરાતની સૌરાષ્ટ્ર સીવાયની બધી યુનિવર્સિટીઓએ આ વિગત પોર્ટલ પર મૂકી છે. હવે સૌરાષ્ટ્ર યુનિવર્સિટીમાં ગયા વર્ષે શરૂૂ થયેલ માસ્ટર ઇન પબ્લિક હેલ્થની કોલેજોની અને અભ્યાસક્રમની વિગતો પોર્ટલ પર અપલોડ કરી નથી. શિક્ષણ મંત્રી અને શિક્ષણ વિભાગના ઉચ્ચ અધિકારીઓ સૌરાષ્ટ્ર યુનિવર્સિટીના સત્તાધીશો દ્વારા નિષ્ફળતા પૂર્વક ચાલતા તંત્રને જોઇ રહ્યા છે. સરકાર ગુણવત્તાયુક્ત શિક્ષણની વાતો કરે છે અને ગુણવત્તા વગરના લોકો સૌરાષ્ટ્ર યુનિવર્સિટી ચલાવી રહ્યા છે. ત્યારે સરકારે નીલાંબરી દવે અને રમેશ પરમાર સામે શિક્ષાત્મક કાર્યવાહી કરવી જોઈએ. તેવી અંતમાં માંગણી કરવામાં આવી છે.

Advertisement

Advertisement
Tags :
Advertisement
Advertisement