For the best experience, open
https://m.gujaratmirror.in
on your mobile browser.
Advertisement

પ્રોજેકટ સ્કૂલ, સ્કોલરશિપ માટેની CETનું પરિણામ જાહેર

11:46 AM May 16, 2024 IST | Bhumika
પ્રોજેકટ સ્કૂલ  સ્કોલરશિપ માટેની cetનું પરિણામ જાહેર
Advertisement

3.61 લાખ વિદ્યાર્થી 44 માર્કસ પણ ન મેળવી શક્યા, 273 શાળાના 301 વિદ્યાર્થીને 90 ટકા ગુણ

રાજ્ય પરીક્ષા બોર્ડ દ્વારા જ્ઞાન શક્તિ, મોડેલ સ્કૂલ્સ સહિતની જુદી જુદી સ્કૂલોમાં પ્રવેશ માટે જાહેર કરવામાં આવેલી સ્કોલરશીપ યોજના માટે 30મી માર્ચે કોમન એન્ટ્રન્સ ટેસ્ટ (સીઇટી) લેવાઈ હતી. આ પરીક્ષાનું પરિણામ બુધવારે જાહેર કરાયું છે. આ પરીક્ષામાં 120માંથી 108થી વધુ માર્કસ મેળવનારા વિદ્યાર્થીઓની સંખ્યામાં 1.12 લાખનો વધારો થયો છે. જેની સામે 120માંથી 44 માર્કસ એટલે કે 37 ટકાથી ઓછા લાવનારા વિદ્યાર્થીઓની 3.61 લાખથી પણ વધારે છે.

Advertisement

પરીક્ષા બોર્ડ દ્વારા જ્ઞાનશક્તિ રેસિડેન્શિયલ સ્કૂલ્સ, જ્ઞાનશક્તિ ટ્રાયબલ રેસિડેન્શિયલ સ્કૂલ્સ, રક્ષાશક્તિ સ્કૂલ્સ અને મોડેલ સ્કૂલમાં કોમન એન્ટ્રન્સ ટેસ્ટના મેરિટના આધારે ધો.6માં પ્રવેશ અને જ્ઞાનસેતુ મેરિટ સ્કોલરશીપ માટે એન્ટ્રન્સ ટેસ્ટનું આયોજન કરવામાં આવ્યું હતું. આ પરીક્ષામાં કુલ 534615 વિદ્યાર્થી ઉપસ્થિત રહ્યા હતા. જાહેર કરાયેલા પરિણામમાં કુલ 273 સ્કૂલના 301 વિદ્યાર્થી 90 ટકા એટલે કે 108થી વધુ ગુણ મેળવ્યા છે. 2505 સ્કૂલોના 3961 વિદ્યાર્થીએ 80 ટકા એટલે કે 96 કરતાં વધારે ગુણ મેળવ્યાં છે. 6685 શાળાના 14711 વિદ્યાર્થી એવા છે કે જેઓ 70 ટકા એટલે કે 84 કરતાં વધારે માર્કસ મેળવ્યા છે. 12385 સ્કૂલોના 36708 વિદ્યાર્થીએ 60 ટકા એટલે કે 72 કરતાં વધારે ગુણ મેળવ્યા છે. આમ, મેરિટ યાદીમાં 50 ટકા કરતાં વધારે એટલે કે 60 ગુણ કરતાં વધારે મેળવનારા 18987 શાળાના 76044 પૈકીના વિદ્યાર્થીનો સમાવેશ થાય તેવી શકયતા છે.

આ રીતે રક્ષાશક્તિ સ્કૂલ્સમાં 25 ટકા એટલે કે 175 ખાનગી શાળાઓના વિદ્યાર્થીઓનો સમાવેશ થશે. ગત વર્ષ કરતાં પરિણામ નબળું આવ્યું છે. અધિકારીઓ કહે છે કે, ગત વર્ષે કરતાં પરિણામ ટફ છે. ચાલુ વર્ષે પેપર એવરેજ રહ્યા હતા. મેરિટમાં આવેલા વિદ્યાર્થીઓ પ્રોજેક્ટ સ્કૂલમાં પ્રવેશ અને સ્કોલરશીપ પૈકી કોઇપણ વિકલ્પ પસંદ કરી શકશે. સ્કોલરશીપ માટે 30 હજાર બેઠકો છે. જેની સામે નિવાસી શાળામાં પ્રવેશ માટે 22 હજાર બેઠક છે.

બોર્ડ દ્વારા લેવાયેલી 120 માર્કસની પરીક્ષામાં સૌથી વધુ 116 માર્કસ મેળવનારા વિદ્યાર્થીઓની સંખ્યા 10 હતી જે આ વખતે માત્ર 5 થઇ ગઇ છે. એક વિદ્યાર્થીને 118 અને બે વિદ્યાર્થીને 116 માર્કસ આવ્યા છે. આ ઉપરાંત અન્ય એક વિદ્યાર્થીને 115 માર્કસ આવ્યા છે.

Advertisement
Tags :
Advertisement
Advertisement