વાહનોના ફિટનેસ ટેસ્ટનું ખાનગીકરણ, આરટીઓમાં આજથી જ કામગીરી બંધ
ગુજરાતમાં આજથી તમામ રાજ્ય પરિવહન વાહનોના ફિટનેસ ટેસ્ટ આરટીઓ કચેરીઓને બદલે ઓટોમેટેડ ટેસ્ટિંગ સ્ટેશનો (ATS) પર લેવામાં આવશે. ટ્રાન્સપોર્ટ ડિપાર્ટમેન્ટે એક નોટિફિકેશન બહાર પાડ્યું છે જેમાં જણાવ્યું છે કે તેમના અધિકારક્ષેત્ર હેઠળના ATS સાથેના RTOએ બુધવારથી ફિટનેસ ટેસ્ટ કરવાનું બંધ કરી દીધું છે, અને ટેસ્ટ્સ ફક્ત ATSમાં જ લેવાનું ફરજિયાત છે.
જોકે, તાજેતરમાં ભારે વાહનો માટે બોગસ ફિટનેસ સર્ટિફિકેટ સાથે સંકળાયેલા કૌભાંડમાં એવી ચિંતા ઊભી થઈ છે કે જો ફિટનેસ સર્ટિફિકેટ આપવાની કામગીરી ખાનગી ATSને સોંપવામાં આવે તો ભ્રષ્ટાચાર વધી શકે છે.
હાલમાં, સુભાષ બ્રિજ અને વસ્ત્રાલ આરટીઓ પર દરરોજ આશરે 300 ટ્રાન્સપોર્ટ વ્હીકલ ફિટનેસ ટેસ્ટ લેવામાં આવે છે. મધ્યમ વર્ગના વાહન માટે 600 રૂૂપિયા અને ભારે વર્ગના વાહન માટે 800 રૂૂપિયાનો ચાર્જ છે. હવે વસ્ત્રાલ રીંગ રોડ ખાતે ત્રણ એટીએસ શરૂૂ કરવામાં આવી છે, જ્યાં ફિટનેસ ટેસ્ટ કરાવવાનો રહેશે. ફિટનેસ ટેસ્ટની કિંમત 800 રૂૂપિયા હશે અને ફિટનેસ સર્ટિફિકેટની કિંમત 200 રૂૂપિયા હશે, જેના કારણે ભારે વાહન માટે પ્રક્રિયા વધુ મોંઘી બનશે.
ટ્રાન્સપોર્ટ કમિશનરની ઓફિસના સૂત્રોએ જણાવ્યું હતું કે, તાજેતરમાં, કેટલાક એટીએસ વાહનોની યોગ્ય તપાસ કર્યા વિના ફિટનેસ સર્ટિફિકેટ જારી કરતા જોવા મળ્યા હતા. પરિવહન વિભાગના અધિકારીઓ દ્વારા ઓચિંતી મુલાકાત દરમિયાન આ કૌભાંડનો પર્દાફાશ કરવામાં આવ્યો હતો, જેના કારણે કેટલાક ATSને સસ્પેન્ડ કરવામાં આવ્યા હતા.