ગોવિંદા-સુનિતાના 37 વર્ષના લગ્નજીવનનો અંત આવશે?

મરાઠી અભિનેત્રી સાથે અફેરની અફવા

ગોવિંદાના ઘરમાં બધુ બરાબર નથી એવી અફવા ઘણા સમયથી ગોસિપ સર્કલમાં ચાલી રહી હતી. હવે સમાચાર આવી રહ્યા છે કે ગોવિંદા પત્ની સુનિતા આહુજાથી છૂટાછેડાના અંતિમ તબક્કામાં છે. બંનેએ તેમના 37 વર્ષ જૂના લગ્નજીવનનો અંત લાવવાનો નિર્ણય લીધો છે. સુનિતાએ ભૂતકાળના કેટલાક ઇન્ટરવ્યુમાં કહ્યું છે કે, ગોવિંદા તેની સાથે નથી રહેતો. તેણે મજાકમાં તેના અફેર વિશે પણ વાત કરી છે.

એવી અફવાઓ છે કે ગોવિંદા અને સુનિતાના અલગ થવા પાછળનું કારણ 30 વર્ષીય મરાઠી અભિનેત્રી છે. જોકે, ગોવિંદા કે સુનિતા તરફથી કોઈ સત્તાવાર નિવેદન નથી આવ્યું.

ગોવિંદાની પત્ની સુનિતા તેના બિંદાસ નેચર માટે જાણીતી છે. થોડા સમય પહેલા, જ્યારે ગોવિંદાને ગોળી લાગી હતી, ત્યારે ખબર પડી હતી કે તે સુનિતા સાથે નથી રહેતો. હવે તેમના છૂટાછેડાની ચર્ચાઓ જોરદાર છે. રેડિટ પર પણ આ અંગે પોસ્ટ જોઈ શકાય છે. આ પોસ્ટમાં લખ્યું છે કે ગોવિંદા છૂટાછેડા લેવા જઈ રહ્યા છે. તે તેના ફ્લેટની સામેના બંગલામાં રહે છે કારણ કે તેના શેડ્યૂલ મેચ નથી થતા. એવી વ્યક્તિ સાથે રહેવું કેટલું થકવી નાખનારું હશે જેને તમે આટલા બધા અફેર્સને માફ કર્યા હોય.

ગોવિંદા અને સુનિતા બે બાળકોના માતા-પિતા છે. બંનેના લગ્ન 11 માર્ચ 1987ના રોજ થયા હતા. લગ્ન સમયે સુનિતા ખૂબ જ નાની હતી. તે 18 વર્ષની હતી અને ગોવિંદા 24 વર્ષનો હતો. સુનિતા હાલમાં તેના પુત્ર યશવર્ધન અને પુત્રી ટીના સાથે રહે છે. ગોવિંદા તેનાથી અલગ રહે છે.