બોલિવૂડની દિગ્ગજ અભિનેત્રી કામિની કૌશલનું 98 વર્ષે નિધન

બોલિવુડની દિગ્ગજ પીઢ અભિનેત્રી કામિની કૌશલનું નિધન થયું છે. તેમનો જન્મ 16 જાન્યુઆરી 1927ના રોજ લાહોરમાં થયો હતો. તેઓ નીચા નાગર (1946) અને બિરાજ બહુ (1954) જેવી ફિલ્મોમાં તેમની ભૂમિકાઓ માટે જાણીતા છે. નીચા નાગરે 1946ના કાન્સ ફિલ્મ ફેસ્ટિવલમાં પામ ડીથઓર જીત્યો હતો, જ્યારે બિરાજ બહુએ તેમને ફિલ્મફેર શ્રેષ્ઠ અભિનેત્રીનો પુરસ્કાર અપાવ્યો હતો.1946 થી 1963 સુધીની ફિલ્મોમાં તેમણે મુખ્ય અભિનેત્રીની ભૂમિકા ભજવી હતી, જેમાં દો ભાઈ (1947), શહીદ (1948), ઝિદ્દી (1948 ફિલ્મ), શબનમ (1949), નદીયા કે પાર (1948), પારસ (1949), નામુના (1949), આરઝૂ (1950), ઝાંઝર (1953), આબ્રો (1953), નાઇટ ક્લબ (1958), જેલર (1958), બડે સરકાર અને ગોદાન (1963)નો સમાવેશ થાય છે, જે તેની કારકિર્દીની શ્રેષ્ઠ ફિલ્મો માનવામાં આવે છે. કામિની કૌશલ બોલિવૂડની સૌથી મોટી ઉંમરની અભિનેત્રીઓની યાદીમાં ટોચ પર આવતી હતી.તેમણે દિલીપ કુમાર અને રાજ કપૂર સહિત ઘણા મોટા સ્ટાર્સ સાથે કામ કર્યું હતું. 2019માં, તેઓ કબીર સિંહ અને પછી 2022 માં લાલ સિંહ ચઢ્ઢા માં જોવા મળી હતી.