હિમાચલમાં ટ્રાફિકથી બચવા યુવકે નદીમાં ઉતારી THAR,જુઓ આ વાયરલ વિડીયો
હિમાચલ પ્રદેશના લાહૌલ સ્પીતિનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં જોઈ શકાય છે કે એક યુવક ટ્રાફિકથી બચવા પોતાની મહિન્દ્રા થાર લઈને ચંદ્રા નદીમાં ઉતરી ગયો. તેણે નદીમાં જ મહિન્દ્રા થાર કારને ચલાવી. પરંતુ તેને આવું કરવું ઘણું ભારે પડી ગયું. હિમાચલ પોલીસે આ મુસાફર સામે આકરી કાર્યવાહી કરીને દંડ ફટકાર્યો છે. SP મયંક ચૌધરીએ વાયરલ વીડિયો પર કાર્યવાહી કરી છે. એસપી મયંક ચૌધરીએ જણાવ્યું કે તાજેતરમાં જ એક વીડિયો વાયરલ થયો છે જેમાં લાહૌલ સ્પીતિ જિલ્લામાં એક થાર ચંદ્રા નદીને પાર કરી રહ્યો છે. આ થાર ડ્રાઈવરે મોટર વ્હીકલ એક્ટ, 1988ને પડકાર્યો છે. ભવિષ્યમાં આવો ગુનો કોઈ ન કરે તે માટે જિલ્લા પોલીસે ઉક્ત સ્થળે પોલીસ જવાનો તૈનાત કર્યા છે. જો કે હજુ સુધી પોલીસ દ્વારા વાયરલ વીડિયોની પુષ્ટિ કરવામાં આવી નથી.
પ્રવાસીઓ પોતાનો જીવ જોખમમાં મુકી રહ્યા છે
તમને જણાવી દઈએ કે આ દિવસોમાં હિમાચલના લાહૌલ સ્પીતિ અને કુલ્લુ મનાલી અને શિમલામાં પ્રવાસીઓનો ધસારો છે. આવી સ્થિતિમાં પ્રવાસીઓ ટ્રાફિકના નિયમોનો ભંગ કરીને પોતાનો જીવ જોખમમાં મુકી રહ્યા છે. માઈનસ તાપમાનની વચ્ચે પણ, લાહૌલ સ્પીતિ અને કુલ્લુ પોલીસ કર્મચારીઓ વિવિધ સ્થળોએ ફરજ પર છે પરંતુ પ્રવાસીઓ ટ્રાફિક નિયમોનો અનાદર કરે છે. ટ્રાફિક જામથી બચવા માટે પ્રવાસીએ પોતાની થાર કારને ચંદ્રા નદીમાં ઉતારી હતી.
પોલીસે રૂ.3500નું ચલણ બહાર પાડ્યું હતું
વીડિયો વાયરલ થયા બાદ લાહૌલ સ્પીતિ પોલીસે ડ્રાઈવર વિરુદ્ધ કાર્યવાહી કરી અને ટ્રાફિક નિયમોનું ઉલ્લંઘન કરવા બદલ 3500 રૂપિયાનું ચલણ જારી કર્યું. વાયરલ વીડિયોમાં આ સ્પષ્ટ જોઈ શકાય છે. પ્રવાસીએ પોતાના થાર વાહનમાં લાહૌલ સ્પીતિની ચંદ્રા નદી પાર કરી અને એક કાંઠાથી બીજા કાંઠે પહોંચ્યો. સદ્ભાગ્યની વાત એ છે કે આ દિવસોમાં ચંદ્રી નદીનું પાણી ઓછું હોવાથી વાહન ચાલક સાથે કોઈ અકસ્માત સર્જાયો નથી.