એલ્વિસ યાદવ-સાગર ઠાકુર વચ્ચેની લડાઇનો અંતે ધ એન્ડ

• એલ્વિસ ફોટો કરી કેપ્શનમાં "ભાઇચારો” લખ્યું

એલ્વિશ યાદવ અને સાગર ઠાકુર વચ્ચે ચાલી રહેલો વિવાદ છેલ્લા કેટલાક સમયથી ચર્ચામાં હતો. બંને પોતપોતાનો પક્ષ રજૂ કરી રહ્યા હતા. સાગરે એક વીડિયો શેર કર્યો હતો અને એલ્વિશ પર જાનથી મારી નાખવાની ધમકી આપવાનો આરોપ લગાવ્યો હતો. પરંતુ હવે તમામ વિવાદો અને ઝઘડાઓનો અંત આવી ગયો છે. એલ્વિશે સાગર સાથેનો એક ફોટો શેર કર્યો છે અને કેપ્શનમાં ભાઈચારાને ટોપ લખ્યું છે. એલ્વિશ યાદવ અને સાગર ઠાકુર વચ્ચેના વિવાદ બાદ બંને વિશે અપડેટ્સ સામે આવી રહ્યા છે. કેટલાક એલ્વિશને સપોર્ટ કરતા અને કેટલાક સાગરને સપોર્ટ કરતા જોવા મળ્યા હતા. પરંતુ હવે બંને વચ્ચેની લડાઈ પૂરી થઈ ગઈ છે. એલ્વિશે ઈન્સ્ટાગ્રામ પર એક ફોટો પોસ્ટ કર્યો છે, જેમાં બંને એકસાથે હસતા જોવા મળે છે. તેણે કેપ્શનમાં એમ પણ લખ્યું કે, જો ઘરમાં વાસણો હશે, તો તે ખખડશે તો ખરી..ભાઈચારા ઓન ટોપ. તમને જણાવી દઈએ કે સાગરે એક વીડિયો શેર કર્યો હતો, જેમાં એલ્વિશ તેને મારતો જોવા મળી રહ્યો હતો. એલ્વિશે પણ પોતાનો પક્ષ રજૂ કર્યો હતો. સાગર એલ્વિશની પોસ્ટ પર સતત પ્રતિક્રિયા આપી રહ્યો હતો. આ પછી બંને વચ્ચે ફોન પર વાત થઈ હતી. એલ્વિશે સાગરને તેના ઘરે બોલાવ્યો હતો, પરંતુ તેણે ખરાબ વર્તન કર્યું. આ પછી એલ્વિશ સાગરને તેના મિત્રની દુકાને મળવા ગયો હતો. આ સમયનો એક વીડિયો પણ સામે આવ્યો હતો, જેમાં એલ્વિશ તેને મારતો જોવા મળ્યો હતો. અહીંથી વિવાદ વધી ગયો અને મામલો પોલીસ સુધી પહોંચ્યો.