દેશના સૌથી વૃધ્ધ સાંસદ શફીકર બર્કનું અવસાન

સંભલના સપા સાંસદ ડો શફીકર રહેમાન બર્કનું લાંબી બીમારી બાદ નિધન થયું છે. મુરાદાબાદની એક ખાનગી હોસ્પિટલમાં 93 વર્ષની વયે શફીકર રહેમાન બર્કનું અવસાન થયું. શફીકુર રહેમાન બાર્ક સૌથી વૃદ્ધ સાંસદ હતા. તેઓ મુરાદાબાદની એક ખાનગી હોસ્પિટલમાં સારવાર હેઠળ હતા જ્યાં તેમણે મંગળવારે અંતિમ શ્વાસ લીધા હતા. ફેબ્રુઆરીની શરૂૂઆતમાં સાંસદને સારવાર માટે દાખલ કરવામાં આવ્યા હતા. ત્યારથી તેમની તબિયત લથડી હતી. લગભગ એક મહિનાની સારવાર બાદ પણ તેમની તબિયતમાં સુધારો થયો ન હતો અને મંગળવારે તેમનું મૃત્યુ થયું હતું. ઇન્તેકાલથી લોકસભા ચૂંટણી પહેલા દિગ્ગજ નેતા અને સાંસદના નિધનથી સપા અને અખિલેશ યાદવને મોટો ફટકો પડ્યો છે. તેમના નિધનના સમાચારથી સપામાં શોકનું મોજુ છે. ડો. શફીકર રહેમાન બર્કને પણ લોકસભા ચૂંટણી 2024 માટે ઉમેદવાર બનાવવામાં આવ્યા હતા.
5 વખત સંભલ સીટથી સાંસદ અને 4 વખત ધારાસભ્ય તરીકે ચૂંટાયા હતા અને એક વખત યુપી સરકારમાં કેબિનેટ મંત્રી પણ રહ્યા હતા.
તેઓ 1974 થી 1977, 1977 થી 1980, 1985 થી 1989 અને પછી 1991 સુધી ધારાસભ્ય રહ્યા.