બેકાબૂ ડમ્પર ઝૂંપડામાં ઘુસી જતાં નિદ્રાધીન દંપતી, બે બાળકોનાં મોત
યુ.પી.માં અયોધ્યા હાઇવે ઉપર મધરાત્રે ગોઝારી દુર્ઘટના
અયોધ્યા હાઈવે પર બીબીડી પોલીસ સ્ટેશન વિસ્તારમાં શુક્રવારે મોડી રાત્રે એક મોટો અકસ્માત થયો હતો. મૌરાંગ ભરેલુ ડમ્પર કાબુ બહાર જઈને હાઈવે પરની એક ઝૂંપડીમાં ઘુસી ગયું હતું. ઝૂંપડામાં સૂઈ રહેલા દંપતી અને તેમના બે બાળકોને કચડી નાખવામાં આવ્યા હતા. ચારેયના ઘટનાસ્થળે જ મોત થયા હતા. મહિલા આઠ માસની ગર્ભવતી હતી. દંપતીની સાત વર્ષની પુત્રી બચી ગઈ.
બારાબંકીના જેતપુરમાં રહેતો ઉમેશ (35) ટાઇલ્સનો કારીગર હતો. તે તેની પત્ની નીલમ (32), પુત્રો ગોલુ (4), સની (13) અને પુત્રી વૈષ્ણવી સાથે અયોધ્યા હાઇવે પર એક ઝૂંપડીમાં રહેતો હતો. ગત રાત્રે આખો પરિવાર ઝૂંપડામાં સૂતો હતો. રાત્રીના 1 વાગ્યાના સુમારે એક ડમ્પર કાબુ બહાર જઈ ઝૂંપડામાં ઘુસી ગયું હતું. અકસ્માતમાં ઉમેશ, નીલમ, ગોલુ અને સનીના મોત થયા હતા. માત્ર વૈષ્ણવી જ બચી હતી. માહિતી મળતાં જ પોલીસ ઘટનાસ્થળે પહોંચી, મૃતદેહોને બહાર કાઢીને પોસ્ટમોર્ટમ માટે મોકલી આપ્યા. ડમ્પર ચાલકની ધરપકડ. નીલમ આઠ મહિનાની ગર્ભવતી હતી. તેમના ભત્રીજા ધરમ સિંહે એફઆઈઆર નોંધાવી છે.