મહારાષ્ટ્રમાં ભાજપ યુતિની બેઠક વહેંચણી ફોર્મ્યુલા નક્કી

આગામી મહારાષ્ટ્ર વિધાનસભા ચૂંટણી પહેલા, સત્તાધારી મહાયુતિ ગઠબંધન (ભારતીય જનતા પાર્ટી (ઇઉંઙ), એકનાથ શિંદેની આગેવાની હેઠળની શિવસેના, અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટી) બેઠકોની વહેંચણીને અંતિમ સ્વરૂૂપ આપવા માટે તૈયાર છે. ભાજપ સૌથી વધુ બેઠકો પર ચૂંટણી લડશે, ત્યારબાદ શિવસેના અને ગઈઙ. સૂત્રોના જણાવ્યા અનુસાર ભાજપ 150થી 155 સીટો પર, શિવસેના 90-95 સીટો પર અને એનસીપી 40-45 સીટો પર ચૂંટણી લડી શકે છે. તમને એ પણ જણાવી દઈએ કે સીટોની વહેંચણીને અંતિમ રૂૂપ આપવા માટે ગઠબંધન નેતાઓ વચ્ચે અનેક રાઉન્ડની બેઠકો થઈ છે.

સીએનએન ન્યૂઝ-18એ સૂત્રોને ટાંકીને જણાવ્યું હતું કે ગઠબંધનના ઘટક પક્ષો વચ્ચે બેઠકોની વહેંચણી ચૂંટણીની તારીખોની જાહેરાત પહેલા કરવામાં આવશે. સૂત્રોએ જણાવ્યું હતું કે, મોટાભાગની બેઠકોની વહેંચણી પૂર્ણ થઈ ગઈ છે. 25 બેઠકો અંગે ચર્ચા કરવા માટે વધુ બે રાઉન્ડ બેઠકો યોજાવા જઈ રહી છે.

મહારાષ્ટ્રમાં 2019ની વિધાનસભા ચૂંટણીમાં શિવસેના ઉદ્ધવ ઠાકરેના નેતૃત્વમાં એક થઈ હતી. અજિત પવાર પણ તેમના કાકા શરદ પવાર સાથે હતા. આ પાંચ વર્ષમાં મહારાષ્ટ્રમાં ઘણી મોટી રાજકીય ઉથલપાથલ જોવા મળી. 2019માં બહુમતી મેળવવા છતાં ભાજપ અને શિવસેનાની ગઠબંધન સરકાર બની શકી નથી. રાજ્યમાં રાષ્ટ્રપતિ શાસન લાગુ કરવામાં આવ્યું હતું.નવેમ્બરમાં દેવેન્દ્ર ફડણવીસે અજિત પવાર સાથે સીએમ તરીકે શપથ લીધા હતા. અજિત પવારે ભાજપની આગેવાની હેઠળના રાષ્ટ્રીય લોકતાંત્રિક ગઠબંધન (એનડીએ) સાથે સરકાર બનાવવા માટે પાર્ટી છોડી દીધી અને તેમને નાયબ મુખ્યમંત્રી બનાવવામાં આવ્યા. જો કે, ત્રણ દિવસ પછી બંનેએ રાજીનામું આપી દીધું અને અજિત પવાર તેમના કાકા શરદ પવાર પાસે પાછા ગયા.

આ પછી, ઉદ્ધવ ઠાકરેએ 28 નવેમ્બરના ફ્લોર ટેસ્ટ પછી સરકાર બનાવવા માટે એનસીપી અને કોંગ્રેસ સાથે ગઠબંધન કર્યું. ઠાકરેને જૂન 2022 માં બીજો ફટકો પડ્યો જ્યારે તેમની પાર્ટીના એકનાથ શિંદે ધારાસભ્યોના જૂથ સાથે એનડીએમાં જોડાયા અને રાજ્યમાં ભાજપ સાથે સરકાર બનાવી. શિંદેને સીએમ બનાવવામાં આવ્યા અને ફડણવીસ તેમના ડેપ્યુટી બન્યા. થોડા મહિનાઓ પછી, અજિત પવાર ફરી એકવાર તેમના કાકાથી અલગ થઈ ગયા અને નેતાઓના જૂથ સાથે મહાયુતિ ગઠબંધનમાં જોડાયા અને ફરીથી ડેપ્યુટી સીએમ બનાવવામાં આવ્યા.