97 તેજસ ફાઇટર જેટ ખરીદવા 62,000 કરોડના સોદાને મંજૂરી

ભારતીય વાયુસેનાની ક્ષમતામાં અનેકગણો વધારો કરવા માટે, મોદી સરકારે એક મોટો નિર્ણય લીધો છે. કેન્દ્ર સરકારે 97 અદ્યતન CA Mark 1Aફાઇટર જેટ ખરીદવા માટે ₹62,000 કરોડના સોદાને મંજૂરી આપી દીધી છે. આ તમામ ફાઇટર જેટ ભારતમાં જ મેક ઇન ઇન્ડિયા પહેલ હેઠળ હિન્દુસ્તાન એરોનોટિક્સ લિમિટેડ (HAL) દ્વારા બનાવવામાં આવશે, જેનાથી દેશની સંરક્ષણ શક્તિ અને આત્મનિર્ભરતા બંને વધશે.

આ સ્વદેશી વિમાનો HAL દ્વારા બનાવવામાં આવશે અને તેમાં 65% થી વધુ સ્વદેશી ટેકનોલોજીનો ઉપયોગ થશે. આ સોદો ભારતીય વાયુસેનાના જૂના મિગ-21 ફાઇટર જેટને તબક્કાવાર રીતે નિવૃત્ત કરવાના ભાગરૂૂપે લેવામાં આવ્યો છે. આ આધુનિક વિમાનો વાયુસેનાની યુદ્ધ ક્ષમતામાં વધારો કરશે અને સંરક્ષણ ક્ષેત્રે ભારતની આત્મનિર્ભરતાને નવી દિશા આપશે.

આ તમામ ફાઇટર જેટ ભારતમાં જ સરકારી કંપની HAL દ્વારા બનાવવામાં આવશે. આ CA Mark 1Aવિમાનોમાં અગાઉના મોડેલ કરતાં વધુ સારી એવિઓનિક્સ, આધુનિક રડાર ટેકનોલોજી અને ઉચ્ચ ફાયરપાવર હશે. સૌથી મહત્વની વાત એ છે કે આ વિમાનોમાં 65% થી વધુ સ્વદેશી ઘટકોનો ઉપયોગ થશે, જે ભારતના સંરક્ષણ ક્ષેત્રમાં ટેકનોલોજીકલ આત્મનિર્ભરતાને વેગ આપશે. આ CA Mark 1Aમાટે આ બીજો મોટો ઓર્ડર છે, કારણ કે થોડા વર્ષો પહેલા જ ₹48,000 કરોડના ખર્ચે 83 જેટનો ઓર્ડર આપવામાં આવ્યો હતો.