PMમોદી મંગળ-બુધવારે બ્રુનેઈની મુલાકાતે જશે

બ્રુનેઈની મુલાકાત લેનાર પ્રથમ ભારતીય વડાપ્રધાન બનશે

વડાપ્રધાન નરેન્દ્ર મોદી 3-4 સપ્ટેમ્બરે બ્રુનેઈની મુલાકાત લેશે. વિદેશ મંત્રાલયે આ વાતની પુષ્ટિ કરી છે. પીએમ મોદીની આ મુલાકાત વિશેષ મહત્વ ધરાવે છે કારણ કે તેઓ બ્રુનેઈની મુલાકાત લેનારા પ્રથમ ભારતીય વડાપ્રધાન બનશે. આ મુલાકાતનો મુખ્ય ઉદ્દેશ્ય બ્રુનેઈ સાથે દ્વિપક્ષીય સંબંધોને મજબૂત કરવાનો અને આર્થિક, સાંસ્કૃતિક અને રાજકીય સહયોગને પ્રોત્સાહન આપવાનો છે. બ્રુનેઈ પ્રવાસ દરમિયાન પીએમ બ્રુનેઈના વિવિધ વિસ્તારોની મુલાકાત લેશે અને ત્યાંના લોકોને મળશે. આ પછી તેઓ સિંગાપોર અને અમેરિકા જશે. પીએમ મોદી 4-5 સપ્ટેમ્બરે સિંગાપોરની મુલાકાત લેશે. આ મુલાકાત દરમિયાન મોદી સંયુક્ત રાષ્ટ્ર મહાસભા સહિત અનેક આંતરરાષ્ટ્રીય મંચોમાં પણ ભાગ લેશે.

પીએમ મોદીની આ મુલાકાત દરમિયાન અનેક મહત્વપૂર્ણ મુદ્દાઓ પર ચર્ચા થવાની સંભાવના છે. તેમાં વેપાર, રોકાણ અને સુરક્ષા સહયોગનો સમાવેશ થાય છે. ભારત અને બ્રુનેઈ વચ્ચેના વેપાર સંબંધોને વધુ મજબૂત કરવા માટે વિવિધ કરારો પર હસ્તાક્ષર થઈ શકે છે.