પાન-મસાલા, ગુટકા કંપનીઓએ પેકિંગ મશીનરીનું રજિસ્ટ્રેશન કરાવવું પડશે

પાન મસાલા, ગુટખા અને તમાકુ બનાવતી કંપનીઓને મોટો ફટકો પડ્યો છે. ખરેખર, જીએસટી વિભાગે હવે આ ઉત્પાદનોનું ઉત્પાદન કરતી કંપનીઓ માટે એક નવી એડવાઇઝરી જારી કરી છે.એડવાઈઝરી અનુસાર, જો આ કંપનીઓ અથવા ઉત્પાદકો તેમની પેકિંગ મશીનરીને જીએસટી ઓથોરિટીમાં રજીસ્ટર નહીં કરાવે તો તેમના પર 1 લાખ રૂૂપિયાનો દંડ થઈ શકે છે. આ નિયમો 1 એપ્રિલ, 2024થી અમલમાં આવશે. તમને જણાવી દઈએ કે, આ પગલાનો હેતુ તમાકુ ઉત્પાદન ક્ષેત્રમાં લૂપ હોલ્સ એટલે કે કરચોરીને રોકવાનો છે.

ફાઇનાન્સ બિલ, 2024 એ સેન્ટ્રલ જીએસટી એક્ટમાં સુધારા રજૂ કર્યા છે. જો આવા દરેક મશીનની નોંધણી ન થાય તો 1 લાખ રૂૂપિયાના દંડની જોગવાઈ છે. આ ઉપરાંત, કેટલાક કિસ્સાઓમાં આવા મશીનો જપ્ત પણ થઈ શકે છે. જીએસટી કાઉન્સિલની ભલામણના આધારે, ટેક્સ સત્તાવાળાઓએ ગયા વર્ષે તમાકુ ઉત્પાદકો દ્વારા મશીનોની નોંધણી માટે એક વિશેષ પ્રક્રિયાની સૂચના આપી હતી. આ મશીનોની પેકિંગ ક્ષમતા સાથે હાલના પેકિંગ મશીનો, નવા ઇન્સ્ટોલ કરેલા મશીનોની વિગતો ફોર્મ જીએસટી જછખ-ઈં માં આપવાની રહેશે. જો કે, આ માટે કોઈ દંડની સૂચના આપવામાં આવી નથી.

મહેસૂલ સચિવ સંજય મલ્હોત્રાએ જણાવ્યું હતું કે જીએસટી કાઉન્સિલે છેલ્લી બેઠકમાં નિર્ણય લીધો હતો કે પાન મસાલા, ગુટખા અને તેના જેવા ઉત્પાદનો માટેના મશીનોની નોંધણી કરવામાં આવે જેથી અમે તેમની ઉત્પાદન ક્ષમતા પર નજર રાખી શકીએ.

મલ્હોત્રાએ જણાવ્યું હતું કે, જો કે, નોંધણી કરવામાં નિષ્ફળ જવા માટે કોઈ દંડ નથી. તેથી કાઉન્સિલે નિર્ણય લીધો હતો કે થોડી સજા થવી જોઈએ. આ કારણે જ ફાઈનાન્સ બિલમાં મશીનની નોંધણી ન કરવા પર 1 લાખ રૂૂપિયા સુધીના દંડની જોગવાઈ કરવામાં આવી છે.