મુકેશ અંબાણીનું રૂા.15000 કરોડનું એન્ટિલિયા વકફ બોર્ડની જમીન પર બન્યાનો ઓવૈસીનો દાવો
મુકેશ અંબાણીના ભવ્ય અને સુપર લક્ઝુરિયસ 27 માળનું ઘર એન્ટિલિયા માત્ર ભારતમાં જ નહીં પરંતુ સમગ્ર વિશ્વમાં સૌથી મોંઘા ઘરોમાંનું એક છે. એન્ટિલાનું નિર્માણ આર્કિટેક્ચરલ અને ક્ધસ્ટ્રક્શન વિશ્વના બે સૌથી પ્રખ્યાત નામો, પર્ક્ધિસ એન્ડ વિલ અને લેઇટન એશિયા દ્વારા કરવામાં આવ્યું છે. જે અંદાજીત 15000 કરોડની કિંમતનું ગણવામાં આવે છે.
એઆઈએમઆઈએમના નેતા અસદુદ્દીન ઓવૈસીએ નિવેદન આપ્યું છે કે જે જમીન પર મુકેશ અંબાણીના ઘર એન્ટિલિયા ઉભું છે, તે મૂળ માત્ર ચેરિટેબલ ઉપયોગ માટે હતી. સાક્ષાત્કારથી જમીનની હકની માલિકી અંગેની ચર્ચા ફરી શરૂૂ થઈ છે. અહેવાલો અનુસાર, આ જમીન કરીમ ભાઈ ઈબ્રાહિમ નામના અત્યંત શ્રીમંત વ્યક્તિએ એક ટ્રસ્ટને દાનમાં આપી હતી.આ જમીનમાં મૂળરૂૂપે કરિમભોય ઈબ્રાહિમ ખોજા યતીમખાના નામનું અનાથાશ્રમ હતું. આ અનાથાશ્રમ 1895 માં શ્રીમંત વહાણ માલિક કરીમભાઈની માલિકીનું હતું. જો કે, અનાથાશ્રમ સહિતની જમીન 1986 માં વક્ફ બોર્ડ દ્વારા સંચાલિત ચેરિટીને દાનમાં આપવામાં આવી હતી. દાવાઓ છે કે આ જમીન ફક્ત ધાર્મિક શિક્ષણ અને અનાથોના આવાસના હેતુ માટે દાનમાં આપવામાં આવી હતી.
વર્ષ 2002માં વકફ બોર્ડ દ્વારા સંચાલિત ટ્રસ્ટ ચેરિટી કમિશનર સુધી પહોંચ્યું હતું અને જમીન વેચવાની પરવાનગી માંગી હતી. ત્રણ મહિના પછી બોર્ડની પરવાનગી મળી. ચેરિટીએ આ જમીન મુકેશ અંબાણી દ્વારા સંચાલિત કોમર્શિયલ ખાનગી કંપનીને કુલ 2.5 મિલિયન યુએસ ડોલરમાં વેચી દીધી હતી.
આ જમીન વંચિત ખોજા બાળકો માટે શૈક્ષણિક સંસ્થા બનાવવાના એકમાત્ર હેતુ માટે ફાળવવામાં આવી હતી.
આ જમીન સંભાળનાર મુકેશની પેઢીનું નામ હતું, એન્ટિલિયા કોમર્શિયલ પ્રાઈવેટ લિમિટેડ આ જમીન કથિત રીતે 18 મિલિયન યુએસ ડોલરની હતી.
જો કે, તે બજાર કિંમત કરતાં ઓછી કિંમતે વેચવામાં આવી હતી. આ પ્રકારનું વેચાણ વકફ અધિનિયમની કલમ 51નું સીધું ઉલ્લંઘન હતું, જેણે સામેલ પક્ષકારો માટે મહારાષ્ટ્ર સ્ટેટ બોર્ડ ઑફ વક્ફની મંજૂરી મેળવવી જરૂૂરી બનાવી હતી.
વકફ મંત્રી નવાબ મલિકે મહારાષ્ટ્ર સરકાર સાથે મળીને વેચાણનો વિરોધ કર્યો હતો, પરિણામે જમીન પર સ્ટે ઓર્ડર જારી કરવામાં આવ્યો હતો. શરૂૂઆતમાં, વક્ફ બોર્ડે પણ આ સોદાને પડકાર્યો હતો અને ટ્રસ્ટના નિર્ણય સામે સુપ્રીમ કોર્ટમાં અરજી કરી હતી. જો કે કોર્ટે અરજી ફગાવી દીધી હતી. અંતે સ્ટે ઓર્ડર ઉઠાવી લેવામાં આવ્યો અને બોર્ડે તેનો વાંધો પાછો ખેંચી લીધો.
