OMG, યુવાનના પેટમાંથી 29 ચમચી, 19 ટૂથબ્રશ નીકળ્યા

અપૂરતો ખોરાક મળવાથી આવી વસ્તુઓ ખાવા લાગ્યો ડ્રગ્સનો વ્યસની

ઉત્તર પ્રદેશના હાપુર જિલ્લામાંથી એક ચોંકાવનારા સમાચાર સામે આવ્યા છે. અહીં એક ઓપરેશન દરમિયાન દર્દીના પેટમાંથી 29 ચમચી મળી આવી હતી. એટલું જ નહીં, 19 ટૂથબ્રશ અને બે પેન પણ મળી આવ્યા હતા 40 વર્ષીય સચિન બુલંદશહેરનો રહેવાસી છે અને ડ્રગ્સનો વ્યસની છે તેને ડ્રગ ડિ-એડિક્શન સેન્ટરમાં દાખલ કરવામાં આવ્યો હતો. જ્યારે તેને ત્યાં દવાઓ ન મળી ત્યારે તેણે આ બધી વસ્તુઓ ગળી લીધી.

હાપુરની હોસ્પિટલમા આ ચોંકાવનારી ઘટના બની. સચિન ડ્રગ્સનો વ્યસની હતો, જેના કારણે તેના પરિવારને તકલીફ પડી રહી હતી. તેના પરિવારે તેને વ્યસનમુક્તિ કેન્દ્રમાં દાખલ કર્યો હતો, પરંતુ સચિનને આ ગમ્યું નહીં. ગુસ્સે થઈને સચિને કેન્દ્રમાં સ્ટીલના ચમચી અને ટૂથબ્રશ ખાવાનું શરૂૂ કર્યું. સચિને સમજાવ્યું કે તે વ્યસનમુક્તિ કેન્દ્રમાં મળતા અપૂરતા ખોરાકથી પણ પરેશાન હતો.

હોસ્પિટલના ડો. શ્યામ કુમારે જણાવ્યું કે જ્યારે દર્દીને લાવવામાં આવ્યો ત્યારે તેના પરિવારના સભ્યોએ તેમને કહ્યું કે તે વ્યસન મુક્તિ કેન્દ્રમાં ચમચી અને ટૂથબ્રશ ખાતો હતો. તપાસ બાદ તાત્કાલિક ઓપરેશન કરવાનો નિર્ણય લેવામાં આવ્યો. ડોક્ટરોની એક ટીમે સફળ ઓપરેશન કર્યું અને સચિનના પેટમાંથી 29 સ્ટીલના ચમચી અને 19 ટૂથબ્રશ કાઢ્યા. ડો. શ્યામ કુમારે એ પણ સમજાવ્યું કે આ પ્રકારની સમસ્યા ઘણીવાર મનોવૈજ્ઞાનિક અથવા માનસિક સમસ્યાઓ ધરાવતા લોકોમાં જોવા મળે છે.