નીરજ ચોપરા-મનુ ભાકરના લગ્નની વાત માત્ર અફવા

મનુની ઉંમર હજુ નાની, લગ્ન અંગે વિચાર્યુ પણ નથી, રામકિશન ભાકરનું નિવેદન

છેલ્લા કેટલાક દિવસથી ભારતના ફેમસ જેવલિન થ્રોઅર નીરજ ચોપડા અને શૂટર મનુ ભાકરના લગ્ન થવાની ચર્ચાએ જોર પકડ્યું હતું. આ બંને પેરિસ ઓલમ્પિકની કલોઝિંગ સેરેમની પહેલા ખૂબ સમય સુધી વાતચિત કરતા નજરે પડ્યા હતા. આ સિવાય નીરજ અને મનું ભાકરની માતાનો પણ એક વીડિયો વાયરલ થયો હતો જેમાં તે ચોપડા સાથે વાત કરી રહ્યા હતા. આથી તે અફવાહોએ જોર પકડ્યું હતું કે, મનું ભાકર અને નીરજના લગ્ન થવા જઈ રહ્યા છે.

આ ચર્ચા પર મનુ ભાકરના પિતા રામકિશન ભાકરનું સ્ટેટમેન્ટ સામે આવ્યું છે. રામકિશને આ બંનેના લગ્નની ખબરને નકારી કાઢી છે. તેને અફવાહ ગણાવી છે. રામકિશન ભાકરે કહ્યું કે, મનુની ઉંમર હજુ નાની છે, તેના લગ્ન વિશે અમે અત્યારે વિચાર્યું પણ નથી. મનુની માતા નીરજને પોતાના પુત્ર જેવો ગણે છે. ઉલ્લેખનીય છે કે, મનુની માતાનો એક વીડિયો વાયરલ થયો હતો જેમાં તે નીરજના માથા પર હાથ રાખીને કશુંક કહી રહી હતી.