મોદીની માતાના અપમાન મુદ્દે એનડીએનું બિહાર બંધ: મહિલા કાર્યકરો ફ્રંટ ફુટ પર: ભારે ચક્કાજામ

વડાપ્રધાન નરેન્દ્ર મોદી અને તેમની સ્વર્ગસ્થ માતા પર કરવામાં આવેલી અપમાનજનક ટિપ્પણીના વિરોધમાં NDAએ આજે એટલે કે 4 સપ્ટેમ્બરે રાજ્યવ્યાપી બંધનું એલાન આપ્યું છે. સવારે 7 વાગ્યાથી બપોરે 12 વાગ્યા સુધીના આ પાંચ કલાકના બંધની અસર રસ્તાઓ, ચોક અને બજારો પર જોવા મળી રહી છે. દુકાનોના શટર પડી ગયા છે અને ઘણી જગ્યાએ વિરોધ પ્રદર્શનો તીવ્ર બની રહ્યા છે.

આજે બિહાર બંધ દરમિયાન, ભારતીય જનતા પાર્ટી (BJP) ના કાર્યકરોએ ગયા અને દાનાપુરમાં જોરદાર વિરોધ પ્રદર્શન કર્યું. બેગુસરાયમાં બંધની અસર જોવા મળી હતી.

બિહાર બંધ દરમિયાન, NDA ના કાર્યકરોએ પટણામાં જોરદાર વિરોધ પ્રદર્શન કર્યું. મહાગઠબંધન રેલીમાં વડા પ્રધાન નરેન્દ્ર મોદીની માતા વિરુદ્ધ કરવામાં આવેલી અભદ્ર ટિપ્પણીના વિરોધમાં આ પાંચ કલાકનો બંધનું એલાન આપવામાં આવ્યું છે.

જમુઈના કછરી ચોક પર એનડીએ કાર્યકરોએ રસ્તો રોકો અને સૂત્રોચ્ચાર કર્યા. આ દરમિયાન મોદીજીની માતાનું અપમાન અમે સહન નહીં કરીએના નારા લગાવવામાં આવ્યા. સીતામઢીમાં, એનડીએ મહિલા નેતાઓ અને નેતાઓએ શહેરમાં પ્રદર્શન કર્યું. આ દરમિયાન, વડા પ્રધાનની માતા વિરુદ્ધ કરવામાં આવેલી અભદ્ર ટિપ્પણીના વિરોધમાં રસ્તાઓ પર ઉતરીને સૂત્રોચ્ચાર કરવામાં આવ્યા.

હાજીપુરમાં NDA કાર્યકર્તાઓએ હાજીપુર-મુઝફ્ફરપુર NH 22 સહિત ઘણા રસ્તાઓ બ્લોક કર્યા. હાજીપુર શહેર, હાજીપુર-મહાનાર રોડ અને વૈશાલી જિલ્લાના અન્ય વિસ્તારોમાં પણ કાર્યકરોએ સૂત્રોચ્ચાર કર્યા અને રસ્તાઓ બ્લોક કર્યા.