સાંસદ નીતિશકુમાર પાસે ઘણી જમીન હતી, હવે બિહારમાં ખોરડું પણ નથી

આમ છતાં 2004માં તેમની સંપત્તિ 4,318,464 કરોડથી વધી 2024માં 16,482,719 કરોડ થઇ

બિહારના મુખ્યમંત્રી તરીકે 10મી વાર સત્તારૂઢ થનારા નીતિશકુમાર 74 વર્ષના છે. બિહાર કોલેજ ઓફ એન્જિનિયરિંગમાંથી મિકેનિકલ એન્જિનિયરિંગ પૂર્ણ કર્યા પછી, નીતિશે વીજળી બોર્ડમાં કામ કરવાનું શરૂૂ કર્યું. આ દરમિયાન, તેઓ જય પ્રકાશ નારાયણના આંદોલનમાં જોડાયા અને રાજકારણમાં પ્રવેશ્યા.

નીતિશ કુમાર 2000માં પહેલીવાર મુખ્યમંત્રી બન્યા હતા. જોકે, બહુમતી મેળવવામાં નિષ્ફળ જતાં તેમને રાજીનામું આપવાની ફરજ પડી હતી. 2005માં સત્તામાં આવ્યા બાદ, નીતિશ અને તેમની પાર્ટી બિહારમાં સત્તા સંભાળી ચૂકી છે. 2005માં સત્તામાં આવ્યા પહેલા, નીતિશ લોકસભા સાંસદ હતા. તેમણે 2004માં લોકસભા ચૂંટણી લડી હતી. તે સમયે તેમના ચૂંટણી સોગંદનામામાં, નીતિશે તેમની કુલ સંપત્તિ ₹43,18,464 દર્શાવી હતી. આ સોગંદનામામાં, નીતિશે જણાવ્યું હતું કે તેમની પાસે 2000 મોડેલની મારુતિ 800 કાર અને 20 ગ્રામ સોનું છે. તેમની પત્ની પાસે 5 કિલો ચાંદી અને પાંચ ગિની છે. દંપતી અને પુત્ર પાસે ₹13,63,572 લાખની જંગમ સંપત્તિ હતી, જેમાં અલગ-અલગ બેંક ખાતાઓમાં જમા રકમનો સમાવેશ થાય છે. તેમની કુલ સ્થાવર સંપત્તિ ₹3,025,634 ની હતી. પુત્ર પાસે નાલંદામાં છ એકરથી વધુ જમીન હતી, અને તેમની પત્ની પાસે પટણામાં 2,524 ચોરસ ફૂટ બિન-કૃષિ જમીન હતી.

નીતિશે નાલંદામાં નવ એકરથી વધુ બિન-કૃષિ જમીન, નાલંદા અને બખ્તિયારપુરમાં બે ઇમારતો અને નવી દિલ્હીમાં 1,000 ચોરસ ફૂટનું ઘર હતું. નીતિશની પત્ની મંજુનું 2007માં અવસાન થયું. મંજુ અને નીતિશના એકમાત્ર પુત્ર નિશાંત કુમારે ઇઈંઝજમાં એન્જિનિયરિંગનો અભ્યાસ કર્યો હતો. નિશાંત રાજકારણથી દૂર રહે છે. 2025ની વિધાનસભા ચૂંટણી પહેલા, નિશાંતના રાજકારણમાં પ્રવેશ અંગે ઘણી અટકળો ચાલી રહી હતી.

2024 ની વિધાન પરિષદની ચૂંટણી દરમિયાન નીતિશ કુમાર દ્વારા દાખલ કરાયેલ સોગંદનામા મુજબ, નીતિશ પાસે ₹1,64,82,719 ની સંપત્તિ છે. 2022-23 નાણાકીય વર્ષ દરમિયાન તેમની કુલ આવક ₹4,92,810 હતી. આ સોગંદનામામાં, નીતિશ કુમારે તેમની કુલ જંગમ સંપત્તિ ₹16,82,719 જાહેર કરી. તેમણે 2015ની ફોર્ડ ઇકો સ્પોર્ટ્સ કાર, એર ક્ધડીશનર, કસરત સાયકલ, ટ્રેડમિલ અને વોશિંગ મશીન જેવી વસ્તુઓને જંગમ સંપત્તિ તરીકે સૂચિબદ્ધ કરી. તેમની પાસે દિલ્હીમાં 1,000 ચોરસ ફૂટનું રહેણાંક ઘર સિવાય બીજું કંઈ નથી, જેની કિંમત ₹14,800,000 છે. 2004ના ચૂંટણી સોગંદનામામાં, કિંમત ₹11,69,000 હતી.

2004માં, નીતિશ કુમારની કુલ સંપત્તિ ₹4,318,464 હતી અને તેમના પર ₹6,72,674નું દેવું હતું. 2012માં, તેમની સંપત્તિ ₹17,129,264 હતી, અને તેમના પર ₹46,000નું દેવું પણ હતું. 2013માં દાખલ કરાયેલા સોગંદનામા મુજબ, નીતિશ કુમારની કુલ સંપત્તિ ₹24,413,569 હોવાનો અંદાજ હતો. 2015માં તેમની સંપત્તિ થોડી વધીને ₹27,324,475 થઈ ગઈ. આ સમયે, તેમના પર ₹ 644,000 નું દેવું પણ હતું. 2018માં, આ રકમ વધીને ₹ 309,83,431 કરોડ થઈ ગઈ. 2024ના તેમના સોગંદનામામાં, તેમણે તેમની સંપત્તિ ₹ 16,482,719 કરોડ તરીકે દર્શાવી હતી.હાલમાં, નીતિશ કુમાર પર કોઈ દેવું નથી. જોકે, 2013ના તેમના સોગંદનામામાં, તેમણે એસબીઆઇ હાઉસિંગ લોનમાંથી ₹46,000 ની લોન લીધી હતી. 2024ના સોગંદનામા મુજબ, હવે તેમની પાસે કોઈ દેવું નથી.

આંધ્રના સીએમ સૌથી ધનિક, બંગાળના મમતા સૌથી ગરીબ
એડીઆરના અહેવાલ મુજબ આંધ્ર પ્રદેશના મુખ્યમંત્રી એન. ચંદ્રબાબુ નાયડુ સૌથી ધનિક મુખ્યમંત્રી છે, જેમની કુલ સંપત્તિ ₹931 કરોડથી વધુ છે. તેઓ ઘણા સમયથી આ યાદીમાં ટોચ પર છે. જયારે બંગાળના મુખ્યમંત્રી મમતા બેનરજી પાસે માત્ર 15.38 લાખની જંગમ મિલકત છે. ચંદ્રબાબુ નાયડુ પછી, અરુણાચલ પ્રદેશના મુખ્યમંત્રી પેમા ખાંડુ ₹332 કરોડની સંપત્તિ સાથે બીજા સ્થાને છે. કર્ણાટકના મુખ્યમંત્રી સિદ્ધારમૈયા ₹51 કરોડથી વધુની સંપત્તિના માલિક છે અને યાદીમાં ત્રીજા સ્થાને છે. પશ્ચિમ બંગાળના મુખ્યમંત્રી મમતા બેનર્જી સૌથી ગરીબ મુખ્યમંત્રીઓની યાદીમાં ટોચ પર છે. તેમણે સૌથી ઓછી સંપત્તિ જાહેર કરી છે, ફક્ત ₹15.38 લાખ. આ બધી જંગમ સંપત્તિનું મૂલ્ય છે.