મેંગલોરના કિશોરે ભગવદ્ગીતાના 84,426 ચિત્રો દોરી રેકોર્ડ સર્જયો

મેન્ગલોરના 12 વર્ષના પ્રસન્ના કુમાર નામના કિશોરે ભગવદ્ગીતાના 700 શ્ર્લોકોને વિવિધ ચિત્રો દ્વારા કેન્વસ પર ઉતારીને ચિત્રસ્વરૂૂપ ભગવદ્ગીતા બનાવી છે. આ કામ થકી તેણે ઇન્ડિયા બુક ઑફ રેકોર્ડ્સ નોંધાવ્યો છે. પ્રસન્ના કુમાર સ્વરૂૂપા અધ્યયન કેન્દ્રનો વિદ્યાર્થી છે. તે આ સેન્ટરમાંથી જ ભગવદ્ગીતાના શ્ર્લોકનો અર્થ સમજ્યો હતો અને એ પછી તેને એ અર્થને વિવિધ ચિત્ર અને ઇલસ્ટ્રેશનના સ્વરૂૂપમાં નિરૂૂપણ કરવાનો વિચાર આવ્યો.

તેણે એ વિચાર એક વર્ષ પહેલાં જ અમલમાં પણ મૂકી દીધો. ત્યારથી દિવસ-રાત એક કરીને તેણે 700 શ્ર્લોકના દરેક શબ્દને સમજાવતું ઇલસ્ટ્રેશન દોરવાનું શરૂૂ કર્યું. લગભગ અઢીથી ત્રણ મહિનામાં કુલ 84,426 ચિત્રો તેણે દોરી નાખ્યાં.