શર્ટના બટન ખુલ્લા રાખી ન્યાયધીશને ગુંડા કહેનારા વકીલને 6 મહિનાની સજા ફરમાવાઇ
કોર્ટમાં સુનાવણી દરમિયાન ન્યાયાધીશોનું અપમાન કરવું એડવોકેટ અશોક પાંડેને મોંઘુ સાબિત થયું. અલ્હાબાદ હાઈકોર્ટે વકીલને 6 મહિનાની જેલની સજા ફટકારી છે. દંડ પણ ફટકારવામાં આવ્યો છે. અહેવાલ છે કે સુનાવણી દરમિયાન પાંડેએ જજોને ગુંડા કહ્યા હતા. આ સિવાય કોર્ટે તેમના પોશાક પર પણ સવાલ ઉઠાવ્યા હતા, જેના જવાબમાં પાંડે ગુસ્સે થઈ ગયા હતા.
વર્તમાન નિર્ણય 18 ઓગસ્ટ, 2021ના રોજ યોજાયેલી સુનાવણી સાથે જોડાયેલો છે. ત્યારબાદ પાંડે જસ્ટિસ ઋતુરાજ અવસ્થી અને જસ્ટિસ દિનેશ કુમાર સિંહની બેન્ચ સમક્ષ હાજર થયા. હાઈકોર્ટે કહ્યું કે પાંડે અયોગ્ય પોશાકમાં કોર્ટમાં આવ્યો હતો અને તેના શર્ટના બટન ખુલ્લા હતા. જ્યારે બેન્ચે તેને યોગ્ય કપડાં પહેરવાની સલાહ આપી તો તેણે ના પાડી દીધી. તેણે કોર્ટને શિષ્ટ પોશાકનો અર્થ પણ પૂછ્યો. વકીલે અપશબ્દોનો ઉપયોગ કર્યો હતો અને કોર્ટની કાર્યવાહીમાં પણ ખલેલ પહોંચાડી હતી. તેણે વકીલો સહિત ઘણા લોકોની હાજરીમાં જજો પર પગુંડા જેવું વર્તનથ કરવાનો આરોપ લગાવ્યો હતો. જસ્ટિસ વિવેક ચૌધરી અને જસ્ટિસ બ્રીજરાજ સિંહની બેંચ અલ્હાબાદ હાઈકોર્ટમાં આ કેસની સુનાવણી કરી રહી હતી. કોર્ટને જાણવા મળ્યું કે પાંડેએ અનેક પ્રસંગોએ ન્યાયતંત્રનું અપમાન કર્યું છે.
પાંડે દ્વારા અવમાનના આરોપોનો કોઈ જવાબ દાખલ કરવામાં આવ્યો નથી. બેન્ચે કહ્યું, ન તો કોઈ એફિડેવિટ દાખલ કરવામાં આવી છે કે ન તો કોઈ સ્પષ્ટતા આપવામાં આવી છે. કોર્ટ સાથે તેમનો સતત અસહકાર અને આરોપો પર મૌન અમને નિષ્કર્ષ પર લઈ જાય છે કે તેમની પાસે તેમના બચાવમાં કહેવા માટે કંઈ નથી અને તેઓ હઠીલા છે.કોર્ટે પાંડેને કોર્ટના અપરાધિક અવમાનના માટે દોષિત ઠેરવ્યા છે. કોર્ટે આદેશ આપ્યો હતો કે, પઅપરાધ કરનારને 6 મહિનાની જેલ અને 2 હજાર રૂૂપિયાનો દંડ ફટકારવામાં આવે છે.
જો તેઓ આજથી 1 મહિનાની અંદર દંડ ન ભરે તો તેમને વધુ એક મહિનાની કેદની સજા ભોગવવી પડશે. આ નિર્ણયના ચાર સપ્તાહની અંદર લખનૌના ચીફ જ્યુડિશિયલ મેજિસ્ટ્રેટ સમક્ષ શરણાગતિ કરવાનો આદેશ આપવામાં આવ્યો છે.