મહાકુંભમાં પ્રથમ દિવસે લાખો શ્રધ્ધાળુઓનું મહાસ્નાન

45 દિવસ ચાલનારા વિશ્ર્વના સૌથી મોટા ધાર્મિક- સાંસ્કૃતિક કુંભમાં ગઇકાલે જ રેકોર્ડબ્રેક 25 લાખ લોકોની આસ્થાની ડૂબકી: મોદી-યોગીએ સોશિયલ મીડિયા પોસ્ટ દ્વારા તમામનું સ્વાગત કર્યું: વિદેશીઓ ઉમટી પડ્યા

આજે પોષ પૂર્ણિમાના પ્રથમ સ્નાન સાથે મહાકુંભ-2025ની શરૂૂઆત થઈ ગઈ છે. ગંગા, યમુના અને અદ્રશ્ય સરસ્વતીની ત્રિવેણીના કિનારે વિચારો, મંતવ્યો, સંસ્કૃતિ, પરંપરાઓ અને સ્વરૂૂપોની મહાન બેઠક 45 દિવસ સુધી ચાલશે. સમુદ્ર મંથન દરમિયાન ભઠ્ઠીમાંથી છલકાતા અમૃતના થોડા ટીપા સાથે વર્ષો પહેલા શરૂૂ થયેલી કુંભ સ્નાનની પરંપરા આ સાથે શરૂ થઇ છે. આ સુર્યકિરણો ફુટે એ પહેલા બ્રહ્મ મુહુર્તથી જ પ્રથમ સ્થાનની શરૂઆત થઇ હતી. હરહર ગંગે અને જય ગંગામૈયાના ઉદઘોષ સાથે લોકોએ આસ્થાની ડુબકી લગાવી હતી. યુપીના મુખ્યમંત્રી યોગી આદિત્યનાથે આજે સોશિયલ મીડીયા પોસ્ટ દ્વારા તમામ સંતો અને શ્રધ્ધાળુઓનું સ્વાગત કરી માં ગંગા તમામની મનોકામના પુરી કરે તેવી શુભકામના પાઠવી હતી. સવારે 7 સુધીમાં જ 4 લાખ લોકોએ સ્નાન કર્યું હતું. વડાપ્રધાન નરેન્દ્ર મોદીએ પણ પ્રયાગરાજ આવતા અને પવિત્ર સ્થાન કરતા શ્રધ્ધાળુઓને આશિર્વાદ લેતા જાણી ખુસી વ્યકત કરી તેમને શુભકામના પાઠવી હતી.

વિદેશી ભક્તોના સમૂહે પણ પવિત્ર સ્નાન કર્યું હતું. વિશ્વમાં માનવોનો સૌથી મોટો મેળાવડો આજે પોષ પૂર્ણિમાના શુભ અવસર પર પશાહી સ્નાનથ સાથે શરૂૂ થયો છે. મહાકુંભ 2025 ના પહેલા દિવસે સંગમમાં ડૂબકી માર્યા પછી, બ્રાઝિલના એક ભક્ત ફ્રાન્સિસ્કોએ કહ્યું - હું યોગાભ્યાસ કરું છું અને હું મુક્તિની શોધમાં છું. તે આશ્ચર્યજનક છે,
ભારત વિશ્વનું આધ્યાત્મિક હૃદય છે. પાણી ઠંડું છે પણ હૃદય હૂંફથી ભરેલું છે. 12 વર્ષ બાદ મહાકુંભની આ આવૃત્તિનું આયોજન કરવામાં આવી રહ્યું છે. જોકે સંતો દાવો કરે છે કે, આ ઘટના માટે ખગોળીય ફેરફારો અને સંયોજનો 144 વર્ષ પછી થઈ રહ્યા છે જે આ પ્રસંગને વધુ શુભ બનાવે છે. કદાચ એટલે જ ઉત્તર પ્રદેશ સરકારને વિશ્વાસ છે કે, આ વખતે 35 કરોડ ભક્તો મહાકુંભમાં આવશે.

ભક્તોની સંખ્યા પહેલાથી જ આ મહાકુંભની આધ્યાત્મિક ભવ્યતાની વાર્તા કહી રહી છે. એક અંદાજ મુજબ મહાકુંભની ઔપચારિક શરૂૂઆતના બે દિવસ પહેલા 11 જાન્યુઆરી, 2025 ના રોજ રેકોર્ડ 25 લાખ લોકોએ સંગમમાં પવિત્ર સ્નાન કર્યું હતું. અધિકારીઓના જણાવ્યા અનુસાર, આ એક ભવ્ય મહાકુંભ હશે, જેમાં દિવ્યતા અને આધ્યાત્મિકતાની સાથે સાથે આધુનિકતા પણ જોવા મળશે. પ્રયાગરાજ આ ભવ્ય પ્રસંગ માટે તૈયાર છે અને શહેરે વિશ્વભરના સંતો, તીર્થયાત્રીઓ, ભક્તો અને સામાન્ય જનતા માટે તેના દરવાજા ખોલી દીધા છે. દરેક વ્યક્તિનું લક્ષ્ય આધ્યાત્મિક ઉત્સાહમાં તરબોળ થવાનું છે.
રાજ્યના મુખ્ય સચિવ મનોજ કુમાર સિંહના જણાવ્યા અનુસાર, મહાકુંભ મેળાના વિસ્તારમાં 55 થી વધુ પોલીસ સ્ટેશનો બનાવવામાં આવ્યા છે.

અને લગભગ 45 હજાર પોલીસકર્મીઓને ફરજ પર મૂકવામાં આવ્યા છે. તેમણે કહ્યું કે, કોઈપણ પ્રકારની ગેરરીતિઓને રોકવા માટે સોશિયલ મીડિયા પર સતત દેખરેખ રાખવા સંબંધિત પ્રોજેક્ટને પણ મંજૂરી આપવામાં આવી છે. આ મહાકુંભમાં વિવિધ સંપ્રદાયના સંતોના 13 અખાડાઓ ભાગ લઈ રહ્યા છે જે સૌનું ધ્યાન ખેંચી રહ્યા છે.

પ્રયાગરાજમાં વિવિધ કાર્યાલયોની દિવાલો હિંદુ ધર્મના વિવિધ પાસાઓ, દેવી-દેવતાઓ અને ધાર્મિક ગ્રંથોમાં વર્ણવેલ મુખ્ય ઘટનાઓને દર્શાવતા ચિત્રોથી શણગારવામાં આવી છે. શહેરના આંતરછેદને વિવિધ ધાર્મિક વસ્તુઓ જેમ કે કલશ, શંખ અને સૂર્ય નમસ્કારની વિવિધ મુદ્રાઓથી પણ શણગારવામાં આવ્યા છે. આ ઉપરાંત શહેરના મોટા ભાગના મુખ્ય આંતરચોરોને ફરીથી ડિઝાઇન કરવામાં આવ્યા છે. પોલીસ દ્વારા વિવિધ ચોકો અને આંતરછેદો પર બેરિકેડ પણ લગાવવામાં આવ્યા છે જે પોલીસને ભીડની હિલચાલને નિયંત્રિત કરવામાં મદદ કરશે. નદીના એક છેડાથી બીજા છેડા સુધી લોકોની અવરજવરને સરળ બનાવવા માટે સંગમ વિસ્તાર અથવા ફાફામાઉમાં 30 થી વધુ પોન્ટૂન પુલ પણ બનાવવામાં આવ્યા છે.

સુરતથી ઉપડેલી મહાકુંભ ટ્રેન પર જલગાંવ નજીક પથ્થરમારો
સુરતથી મહાકુંભ મેળામાં જતી ટ્રેન પર પથ્થરમારો કરવામાં આવ્યો હતો. સુરતથી પ્રયાગરાજ જતી તાપ્તિગંગા એક્સપ્રેસ ટ્રેન પર પથ્થરમારો કરવામાં આવ્યો હતો. સુરતથી નીકળ્યા પછી, ટ્રેન મહારાષ્ટ્રના જલગાંવ પહોંચતાની સાથે જ ટ્રેન પર પથ્થરમારો કરવામાં આવ્યો હતો, જેના કારણે કોચની બારીઓના કાચ તૂટી ગયા હતા. આનાથી કોચમાં સવાર બાળકો અને મહિલાઓ સહિત મુસાફરોમાં ગભરાટ ફેલાયો હતો. પ્રાપ્ત માહિતી અનુસાર, મહાકુંભ પ્રયાગરાજ ટ્રેન તાપ્તિગંગા ટ્રેન સુરતના ઉધના રેલ્વે સ્ટેશનથી રવાના થઈ હતી. સુરતના શ્રદ્ધાળુઓ કોચ બી-6માં મુસાફરી કરી રહ્યા હતા. આ કોચમાં પાંચ બાળકો, છ વૃદ્ધો, 13 મહિલાઓ અને લગભગ 12 પુરુષો મુસાફરી કરી રહ્યા હતા. તે બધા સુરતના ભક્તો હતા અને આ ઉપરાંત, ટ્રેનમાં મુસાફરી કરતા 45 ટકા લોકો કુંભ માટે પ્રયાગરાજ જઈ રહ્યા હતા. ઉધનાથી નીકળ્યા પછી, તાપ્તિગંગા ટ્રેન મહારાષ્ટ્રના જલગાંવમાંથી પસાર થઈ રહી હતી. આ દરમિયાન, ટ્રેન પર પથ્થરમારો કરવામાં આવ્યો. જેના કારણે ઇ6 કોચની બારીઓના કાચ તૂટી ગયા.