કેજરીવાલે કેન્દ્ર સરકાર સમક્ષ કરી 7 માંગ, દેશમાં પહેલી વાર માધ્યમ વર્ગનો ચુંટણી ઢંઢેરો જાહેર કર્યાનો દાવો

દિલ્હી વિધાનસભા ચૂંટણીમાં આમ આદમી પાર્ટીના કન્વીનર અરવિંદ કેજરીવાલ સમાજના દરેક વર્ગને ખુશ કરવાનો પ્રયાસ કરી રહ્યા છે. આ વાતને ધ્યાનમાં રાખીને, આજે તેમણે મધ્યમ વર્ગના પરિવારો વિશે વાત કરી છે. જેમાં તેમણે મધ્યમ વર્ગના પરિવારની જરૂરિયાતો વિશે વાત કરી છે. આ સાથે કેન્દ્ર સરકાર પાસેથી 7 માંગણીઓ પણ કરવામાં આવી છે. કેજરીવાલે કહ્યું કે દેશના મધ્યમ વર્ગને ઘર, બાળકો માટે સારું શિક્ષણ અને સારું સ્વાસ્થ્ય જોઈએ છે.

આમ આદમી પાર્ટીના રાષ્ટ્રીય સંયોજક અરવિંદ કેજરીવાલે કહ્યું કે મધ્યમ વર્ગ પર કરનો બોજ સૌથી વધુ છે. તેમણે એમ પણ કહ્યું કે મધ્યમ વર્ગ ફક્ત એટીએમ બની ગયો છે. આપણા દેશમાં મધ્યમ વર્ગ સૌથી વધુ હેરાન થાય છે. મધ્યમ વર્ગના લોકોની આવકના ૫૦ ટકાથી વધુ ભાગ કર ચૂકવવા પાછળ ખર્ચાય છે.

કેજરીવાલે કહ્યું કે આમ આદમી પાર્ટી મધ્યમ વર્ગનો અવાજ શેરીઓથી સંસદ સુધી ઉઠાવશે. આગામી બજેટમાં આમ આદમી પાર્ટીના સાંસદો સંસદમાં ફક્ત મધ્યમ વર્ગના મુદ્દાઓ જ ઉઠાવશે.

મધ્યમ વર્ગ માટે કોઈ કંઈ કરતું નથી - કેજરીવાલ

અરવિંદ કેજરીવાલે મધ્યમ વર્ગને ટેક્સ ટેરરિઝમનો શિકાર ગણાવ્યો છે. તેમણે કહ્યું કે એક પછી એક સરકારો આવી રહી છે અને મધ્યમ વર્ગને ડરાવીને દબાવી રહી છે, પરંતુ કોઈ પણ સરકાર મધ્યમ વર્ગ માટે કંઈ કરી રહી નથી.

કેજરીવાલની આ 10 માંગણીઓ કરી
શિક્ષણ બજેટ 2 ટકાથી વધારીને 10 ટકા કરવું જોઈએ.
ઉચ્ચ શિક્ષણ માટે સબસિડી અને શિષ્યવૃત્તિ આપવી જોઈએ.
આરોગ્ય બજેટ પણ વધારીને 10% કરવું જોઈએ. આરોગ્ય વીમામાંથી કર દૂર કરવો જોઈએ.
આવકવેરા મુક્તિ મર્યાદા 7 લાખ રૂપિયાથી વધારીને 10 લાખ રૂપિયા કરવી જોઈએ.
આવશ્યક ચીજવસ્તુઓ પરનો જીએસટી નાબૂદ થવો જોઈએ.
વરિષ્ઠ નાગરિકો માટે મજબૂત નિવૃત્તિ યોજનાઓ બનાવવી જોઈએ અને તેમને દેશભરમાં મફત સારવાર પૂરી પાડવી જોઈએ.
રેલવેમાં વરિષ્ઠ નાગરિકોને આપવામાં આવતી છૂટછાટો ફરીથી લાગુ કરવી જોઈએ.