ઝારખંડમાં સખળડખળ, પૂર્વ સીએમ સોરેન સહિત છ ધારાસભ્યો ભાજપના સંપર્કમાં

વિધાનસભાની ચૂંટણી પહેલા રાજકીય ખેલ શરૂ

વિધાનસભા ચૂંટણી પહેલા ઝારખંડના રાજકારણમાં મોટી ઉથલપાથલ થવાની ચર્ચા છે. સૂત્રોના જણાવ્યા અનુસાર પૂર્વ સીએમ ચંપાઈ સોરેન સહિત જેએમેમના છ ધારાસભ્યો ભાજપના સંપર્કમાં હોવાનું કહેવાય છે. લોબીન હેમબ્રમ અને સમીર મોહંતી પણ ભાજપના સંપર્કમાં હોવાનું કહેવાય છે. ચંપાઈ સોરેન સિવાય અન્ય ઘણા ધારાસભ્યો નારાજ હોવાનો દાવો કરવામાં આવ્યો છે.

સૂત્રોના જણાવ્યા અનુસાર, લોબીન હેમબ્રમ ટૂંક સમયમાં ભાજપમાં જોડાઈ શકે છે. તેઓ આવતીકાલે રાંચી પહોંચી રહ્યા છે. જેએમએમ અને કોંગ્રેસના ધારાસભ્યોને ભાજપમાં સામેલ કરવાના પ્રયાસો ચાલુ છે.

ઉલ્લેખનીય છે કે, લોબીન હેમબ્રામે જેએમએમના ઉમેદવાર સામે લોકસભા ચૂંટણી લડી હતી. વિધાનસભા અધ્યક્ષે હેમરામનું વિધાનસભા સભ્યપદ રદ કર્યું હતું. વર્તમાન ધારાસભ્ય સમીર મોહંતી જેએમએમમાંથી ભાજપમાં જઈ શકે છે. આગામી વિધાનસભા ચૂંટણીમાં સમીરની ટિકિટ કપાય તેવી શક્યતા છે, તેથી તે ભાજપમાં જોડાઈ શકે છે. અહીં, સેરાયકેલામાં એક કાર્યક્રમમાં ચંપાઈ સોરેનના ભાજપમાં જોડાવાની અટકળોને ફગાવી દેવામાં આવી છે.

દરમિયાન, ઝારખંડમાં ભાજપના સહ-ચૂંટણી પ્રભારી હિમંતા બિસ્વા સરમાએ પૂર્વ સીએમ ચંપાઈ સોરેનની પ્રશંસા કરી હતી. કહ્યું કે જે કામ છેલ્લાં પાંચ વર્ષમાં નહોતું થયું તે કામ ચંપા સોરેને પોતાના છ મહિનાના કાર્યકાળમાં કર્યું છે. સીએમ સોરેન દ્વારા 12 હજાર રૂૂપિયા આપવાનું વચન ચંપા સોરેનની ભેટ છે. અમારી સરકાર આવશે તો મહિને 5000 રૂૂપિયા આપીશું.