ઈસરો આજે વધુ એક ઈતિહાસ રચશે: લૉન્ચ કરશે 'INSAT-3DS', કુદરતી આફતોની આપશે સચોટ જાણકારી
ભારતીય અંતરિક્ષ સંશોધન (ISRO) આજે હવામાનની માહિતી આપનાર INSAT-3DS લોન્ચ કરો. આ લોન્ચિંગ જીએસએલવી એફ14ને રોકેટ દ્વારા કરાશે. INSAT-3DS સેટેલાઈટના લોન્ચિંગનો ઉદ્દેશ્ય હવામાન સંબંધિત અને પ્રાકૃતિક આપત્તિઓની સચોટ જાણકારી મેળવવાનો છે. લોન્ચિંગ આજે સાંજે 05:35 વાગ્યે આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટર ખાતેથી કરાશે. હવામાનની સચોટ માહિતી આપતો ઉપગ્રહ INSAT-3DS આજે લોન્ચ થવા જઈ રહ્યો છે. તેને 'નૉટી બોય'નું હુલામણું નામ આપવામાં આવ્યું છે.
ઈસરોએ જણાવ્યું છે કે GSLV-F14 શનિવારે સાંજે 5.35 કલાકે શ્રીહરિકોટાના સતીશ ધવન સ્પેસ સેન્ટરથી ઉડાન ભરશે. તેને લિફ્ટ-ઓફ થયાની લગભગ 20 મિનિટ પછી જીઓસિંક્રોનસ ટ્રાન્સફર ઓર્બિટ (GTO)માં તૈનાત કરવામાં આવશે. આ રોકેટનું એકંદરે 16મું મિશન હશે અને સ્વદેશી રીતે વિકસિત ક્રાયોજેનિક એન્જિનનો ઉપયોગ કરીને તેની 10મી ઉડાન હશે.
GSLV-F14/INSAT-3DS Mission:
The launch is now scheduled at 17:35 Hrs. IST.
It can be watched LIVE from 17:00 Hrs. IST on
Website https://t.co/osrHMk7MZL
Facebook https://t.co/SAdLCrrAQX
YouTube https://t.co/IvlZd5tVi7
DD National TV Channel@DDNational @moesgoi #INSAT3DS— ISRO (@isro) February 15, 2024
જીએસએલવી એફ14 હવામાન સેટેલાઇટ INSAT-3DSને પૃથ્વીની ભૂસ્થૈતિક કક્ષામાં સ્થાપિત કરશે. આ મિશનનું સંપૂર્ણ ફન્ડિંગ ભારત સરકારના પૃથ્વી વિજ્ઞાન મંત્રાલય દ્વારા કરાયું છે. આ લોન્ચિંગ અંતરિક્ષ જગતમાં ભારતના વધતા દબદબાની દિશામાં મહત્ત્વપૂર્ણ પગલું છે.
INSAT-3DS સેટેલાઇટ એ ત્રીજી પેઢીના હવામાનશાસ્ત્રીય ઉપગ્રહનું ફોલો-અપ મિશન છે જે ભૂસ્થિર ભ્રમણકક્ષામાં મૂકવામાં આવશે, અને તે સંપૂર્ણપણે પૃથ્વી વિજ્ઞાન મંત્રાલય દ્વારા ભંડોળ પૂરું પાડવામાં આવે છે. ઈસરોએ કહ્યું છે કે 'GSLV-F14/INSAT-3DS મિશન: 17 ફેબ્રુઆરી, 2024ના રોજ 17.35 કલાકે લોન્ચ માટે 27.5 કલાકનું કાઉન્ટડાઉન શરૂ થઈ ગયું છે.'
'નૉટી બોય'નું વજન 2274 કિલો છે. એકવાર કાર્યરત થયા પછી ઉપગ્રહ પૃથ્વી વિજ્ઞાન, હવામાન વિભાગ (IMD), નેશનલ ઇન્સ્ટિટ્યૂટ ઑફ ઓશન ટેક્નોલોજી (NIOT), હવામાન આગાહી કેન્દ્ર અને ભારતીય રાષ્ટ્રીય કેન્દ્ર હેઠળના વિવિધ વિભાગો માટે કામ કરશે. આ 51.7 મીટર લાંબુ રોકેટ ઇમેજર પેલોડ, સાઉન્ડર પેલોડ, ડેટા રિલે ટ્રાન્સપોન્ડર અને સેટેલાઇટ સહાયિત શોધ અને બચાવ ટ્રાન્સપોન્ડર વહન કરશે. તેનો ઉપયોગ વાદળો, ધુમ્મસ, વરસાદ, બરફ અને તેની ઊંડાઈ, આગ, ધુમાડો, જમીન અને મહાસાગરોના સંશોધન માટે કરવામાં આવશે.
