IPSની આત્મહત્યા: ડીજીપીને રજા પર ઉતારાયા, હરિયાણામાં એલર્ટ

7 ઓક્ટોબરના રોજ IPS અધિકારી વાય પૂરણ કુમાર (52) ની કથિત આત્મહત્યાના વિરોધ બાદ નાયબસિંહ સૈનીના નેતૃત્વ હેઠળની હરિયાણા સરકારે રાજ્ય પોલીસને એલર્ટ રહેવાનો નિર્દેશ આપ્યો. IPS ઓમ પ્રકાશ સિંહને IPS શત્રુજીત કપૂરની રજા દરમિયાન વધારાનો ઉૠઙ ચાર્જ સોંપવામાં આવ્યો છે, જેનું નામ કુમારે છોડી દીધેલી અંતિમ નોંધમાં હોવાનું કહેવાય છે. આ દરમિયાન, લોકસભામાં વિરોધ પક્ષના નેતા રાહુલ ગાંધી કુમારના પરિવારને મળવા માટે તેમના નિવાસસ્થાનથી નીકળ્યા.

સરકારે પોલીસ દળોને કડક તકેદારી રાખવા અને સમુદાયના નેતાઓ સાથે સક્રિય રીતે જોડાઈને સાંપ્રદાયિક સુમેળ સુનિશ્ચિત કરવા જણાવ્યું. ઙઝઈં અનુસાર, ફિલ્ડ અધિકારીઓને સતર્ક રહેવા અને કોઈપણ અનિચ્છનીય ઘટનાને રોકવા માટે સક્રિય પગલાં લેવાનો નિર્દેશ આપવામાં આવ્યો છે.

7 ઓક્ટોબરના રોજ ચંદીગઢ સ્થિત પોતાના ઘરે આત્મહત્યા કરીને કુમારનું મૃત્યુ થયું હોવાનું કહેવાય છે. તેમણે છોડી ગયેલી અંતિમ નોંધમાં, વરિષ્ઠ અધિકારીએ હરિયાણાના ડીજીપી શત્રુજીત કપૂર સહિત આઠ ઉચ્ચ પોલીસ અધિકારીઓ પર જાતિ આધારિત ભેદભાવ, ઇરાદાપૂર્વક માનસિક ત્રાસ, જાહેર અપમાન અને અન્ય પ્રકારના દુર્વ્યવહાર કરવાનો આરોપ લગાવ્યો હતો.

ચંદીગઢ પોલીસે આઈપીએસ અધિકારી વાય પૂરણ કુમારની વિધવા આઈએએસ અધિકારી અમનીત પી કુમારને તેમના સ્વર્ગસ્થ પતિના લેપટોપની માંગણી કરતી નોટિસ જારી કરી હતી.

અધિકારીઓના જણાવ્યા અનુસાર, તેમના મૃત્યુની ચાલી રહેલી તપાસમાં લેપટોપને પુરાવાનો મુખ્ય ભાગ માનવામાં આવે છે. સ્પેશિયલ ઇન્વેસ્ટિગેશન ટીમ (જઈંઝ) માને છે કે તેમાં મહત્વપૂર્ણ માહિતી હોઈ શકે છે, જેમાં ઉપકરણ પર મળેલી કથિત સુસાઇડ નોટનું મૂળ સંસ્કરણ પણ શામેલ છે.

કપૂર સામે કાર્યવાહી કરવા માટે સરકાર પર દબાણ વધી રહ્યું હતું, કારણ કે પૂરણ કુમારની પત્ની, ઈંઅજ અધિકારી અમનીત પી કુમારે ઉૠઙ ને હટાવવામાં ન આવે ત્યાં સુધી શબપરીક્ષણ કે અગ્નિસંસ્કાર કરવાની મંજૂરી આપવાનો ઇનકાર કર્યો હતો. આ મડાગાંઠ લગભગ એક અઠવાડિયા સુધી ચાલી હતી. દલિત જૂથો દબાણનો સામનો કરી રહ્યા હતા અને પરિવારને ન્યાય માટે રચાયેલી મહાપંચાયતએ 48 કલાકનો અલ્ટીમેટમ આપ્યો હતો, જે મંગળવારે સમાપ્ત થાય છે.

પુરણકુમારના પરિવારને મળ્યા પછી રાહુલે કહ્યું, આ ઘટના ખોટો સંદેશ આપી રહી છે
લોકસભાના વિપક્ષી નેતા રાહુલ ગાંધી મંગળવારે બપોરે સ્વર્ગસ્થ વરિષ્ઠ આઈપીએસ અધિકારી વાય. પૂરણ કુમારના ઘરે ગયા હતા, જ્યાં તેમણે શોકગ્રસ્ત પરિવારને મળ્યા અને સાંત્વના આપી હતી. તેમણે કહ્યું હતું કે આ કોઈ પારિવારિક મામલો નથી. કોંગ્રેસ નેતાએ એવો પણ દાવો કર્યો હતો કે આ ઘટના ખોટો સંદેશ આપી રહી છે. પૂરણને શ્રદ્ધાંજલિ આપ્યા બાદ મીડિયા સાથે વાત કરતા તેમણે કહ્યું, વર્ષોથી પ્રણાલીગત ભેદભાવ ચાલી રહ્યો છે. અન્ય અધિકારીઓ અધિકારીઓને નબળા પાડવા અને તેમની કારકિર્દી બરબાદ કરવા માટે સતત પ્રણાલીગત પગલાં પર કામ કરી રહ્યા છે. આ ફક્ત એક પારિવારિક બાબત નથી. દેશમાં લાખો દલિત ભાઈ-બહેનો છે. તેમને ખોટો સંદેશ આપવામાં આવી રહ્યો છે: તમે ગમે તેટલા સફળ, શક્તિશાળી કે બુદ્ધિશાળી હોવ, જો તમે દલિત છો, તો તમને દબાવી શકાય છે.