વંદે ભારત ટ્રેનમાં બે લોકો પાઇલોટ વચ્ચે મારામારી, ટ્રેનના કાચ પણ તોડી નાખ્યા

કોટા અને આગ્રા ડિવિઝનના કર્મીઓ વચ્ચે ટ્રેન ચલાવવા મામલે ડખો

રાજસ્થાનના ઉદયપુર અને આગ્રા વચ્ચે શરૂૂ થયેલી નવી વંદે ભારત એક્સપ્રેસ ટ્રેનના કામકાજને લઈને ફરી એકવાર વિવાદ ઉભો થયો છે. કોટા અને આગ્રા રેલવે ડિવિઝનના કર્મચારીઓ વચ્ચે ટ્રેન ચલાવવાને લઈને ઝઘડો થયો હતો. આ દરમિયાન ટ્રેનના ડ્રાઈવર, કો-ડ્રાઈવર અને ગાર્ડને માર મારવામાં આવ્યો હતો અને તેમના કપડા પણ ફાડી નાખવામાં આવ્યા હતા. રોષે ભરાયેલા કર્મચારીઓએ વંદે ભારત ટ્રેનના ગાર્ડ રૂૂમના દરવાજાનું તાળું તોડી નાખ્યું હતું અને કાચ પણ તોડી નાખ્યા હતા. ટ્રેનોમાં કામ કરવાને લઈને બે રેલવે વિભાગો વચ્ચેનો વિવાદ હવે રેલવે બોર્ડ સુધી પહોંચ્યો છે, પરંતુ આશ્ચર્યજનક રીતે હજુ સુધી કોઈ ઉકેલ આવ્યો નથી. દરમિયાન આગ્રા જતી વખતે અને આગ્રાથી પરત ફરતી વખતે ટ્રેન મોડી ચાલી હતી.

આ પહેલીવાર નથી જ્યારે કોટા રેલવે ડિવિઝન અને આગ્રા રેલવે ડિવિઝન વચ્ચે વંદે ભારત એક્સપ્રેસ ટ્રેન ચલાવવાને લઈને આ લડાઈ થઈ હોય. સોમવાર, 2 સપ્ટેમ્બરના રોજ, જ્યારે આ ટ્રેન કોટાથી ગંગાપુર પહોંચી ત્યારે આગ્રા રેલ્વે ડિવિઝનના ડ્રાઈવરો ટ્રેનને આગ્રા લઈ જવા માંગતા હતા, પરંતુ ગંગાપુર શહેરના ડ્રાઈવરોએ ટ્રેન લેવાનો ઈન્કાર કરી દીધો હતો. આ પછી બંને વિભાગના જવાનો વચ્ચે મારામારી થઈ હતી. આ અંગે આગ્રા રેલવે ડિવિઝનનું કહેવું છે કે ટ્રેન કોટા રેલવે ડિવિઝનમાંથી પસાર થાય છે.

જેનું સંચાલન કોટા રેલવે ડિવિઝનના કર્મચારીઓ કરે છે. આવી સ્થિતિમાં, જો ટ્રેન આગ્રા તરફ જતી હોય, તો તે આગ્રા રેલવે ડિવિઝન દ્વારા ચલાવવામાં આવે છે, તેથી કોઈ સમસ્યા ન હોવી જોઈએ. જોકે, બંને ડિવિઝનના કર્મચારીઓ વતી રેલવે અધિકારીઓ અને પોલીસને ફરિયાદો કરવામાં આવી છે. રેલ્વેના સત્તાવાર સૂત્રોએ જણાવ્યું કે જ્યારે પણ નવી ટ્રેન ટ્રેક પર દોડે છે ત્યારે તેમાં કામ મેળવવાની સાથે પ્રમોશન અને નવી ભરતીનો માર્ગ ખુલે છે.

આવી સ્થિતિમાં, શક્યતા એ પણ વધી જાય છે કે જો કોઈ ટ્રેન બે કે તેથી વધુ રેલવે ડિવિઝનમાંથી પસાર થઈ રહી હોય તો ટ્રેનમાં કામ કરવાને લઈને વિવાદ થાય. જો કે આ વિવાદ શાંતિપૂર્ણ રીતે પણ ઉકેલી શકાય છે.