20 જ મિનિટમાં PAK-ચીનને બનાવી શકે છે નિશાન, ભારતે બેલિસ્ટિક મિસાઈલ અગ્ની 4નું સફળ પરીક્ષણ કર્યું, જાણો આ કેટલી ખતરનાક?

ડીઆરડીઓ (ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન) એ ગઈકાલે અગ્નિ-4 બેલેસ્ટિક મિસાઈલનું સફળ પરીક્ષણ કર્યું. આ ટેસ્ટ ઓડિશાના એપીજે અબ્દુલ કલામ દ્વીપ પરથી કરવામાં આવ્યો છે. અગ્નિ-4 મધ્યવર્તી રેન્જની બેલેસ્ટિક મિસાઈલ છે, જે લગભગ 4000 કિલોમીટરની રેન્જમાં પ્રહાર કરવામાં સક્ષમ છે. આ મિસાઈલ પરમાણુ હથિયાર લઈ જવાની ક્ષમતા ધરાવે છે, જેના કારણે તે ભારતની વ્યૂહાત્મક તાકાતમાં વધુ વધારો કરે છે.

અગ્નિ-4ની લંબાઈ 20 મીટર છે અને તેનું વજન લગભગ 17 ટન છે. આ બે તબક્કાની મિસાઈલ છે. સૌથી મહત્વની વાત એ છે કે આ મિસાઈલને રસ્તા પર મોબાઈલ લોન્ચરથી પણ લોન્ચ કરી શકાય છે, જે તેની તૈનાતીને સરળ બનાવે છે. અગ્નિ-4માં સ્વદેશી રિંગ લેસર ગાયરોસ્કોપ આધારિત ઇનર્શિયલ નેવિગેશન સિસ્ટમ અને શ્રેષ્ઠ ચોકસાઈ માટે ડિજિટલ કંટ્રોલર સિસ્ટમનો સમાવેશ થાય છે.

અગ્નિ-4 20 મિનિટમાં ટાર્ગેટ પર પહોંચી શકે છે

આ પરીક્ષણનો હેતુ ભારતની સંરક્ષણ ક્ષમતાઓને મજબૂત કરવાનો અને સંભવિત દુશ્મનોને સ્પષ્ટ સંદેશ આપવાનો હતો. નિષ્ણાતોનું માનવું છે કે અગ્નિ-4 માત્ર 20 મિનિટમાં ચીન અને પાકિસ્તાનના કોઈપણ શહેરને નિશાન બનાવી શકે છે. ભારતના રાજકીય દળોમાં આ એક મહત્વપૂર્ણ ઉમેરો છે જે દેશની સુરક્ષામાં મહત્વપૂર્ણ ભૂમિકા ભજવશે.

સંરક્ષણ મંત્રાલયે શું કહ્યું?

આ સફળ પરીક્ષણની પુષ્ટિ કરતા સંરક્ષણ મંત્રાલયે કહ્યું કે ભારત માટે આ એક મહત્વપૂર્ણ અને મોટી ઉપલબ્ધિ છે. આ મિસાઈલ સિસ્ટમ વિકસાવવામાં DRDOએ મહત્વની ભૂમિકા ભજવી છે. અગ્નિ-4ના પરીક્ષણને ભારતની આત્મનિર્ભરતા તરફનું એક બીજું પગલું માનવામાં આવી રહ્યું છે.

તમને જણાવી દઈએ કે ભારતે 15 નવેમ્બર 2011ના રોજ અગ્નિ-4નું પ્રથમ સફળ પરીક્ષણ કર્યું હતું. અગ્નિ-4 8×8 ટ્રાન્સપોર્ટ ઈરેક્ટર લોન્ચર અથવા રેલ મોબાઈલ લોન્ચરથી લોન્ચ કરવામાં આવ્યું છે. જાણકારી અનુસાર મિસાઈલનું નેવિગેશન ડિજિટલ કંટ્રોલથી થાય છે.