ભાજપ શાસિત મધ્યપ્રદેશમાં CBI તપાસ માટે સરકારની મંજૂરી જરૂરી

MPના ગૃહ વિભાગે નોટિફિકેશન જારી કર્યું

IST વિપક્ષી નેતાઓને ડરાવવા માટે કેન્દ્ર સરકારનો હાથો બનેલી સીબીઆઈને લઈને મધ્યપ્રદેશ સરકારે મોટો નિર્ણય કર્યો છે. મધ્યપ્રદેશમાં હવે CBIએ તપાસ માટે સરકાર પાસેથી પરવાનગી લેવી પડશે. ગૃહ વિભાગે આ માટે એક નોટિફિકેશન જારી કર્યુ છે. આ નોટિફિકેશનમાં સ્પષ્ટ લખ્યું છે કે હવે CBIને તપાસ માટે સરકાર પાસેથી લેખિત પરવાનગી લેવી જરૂૂરી રહેશે. ગૃહ વિભાગના અધિકારીઓએ માહિતી આપી છે કે આ સિસ્ટમ પહેલાથી જ અમલમાં હતી પરંતુ હવે ભારતીય ન્યાયિક સંહિતા અમલમાં આવી ગઈ છે, જેના કારણે નોટિફિકેશન બહાર પાડવું જરૂૂરી હતું. અન્યથા કોર્ટમાં પડતર કેસ કલંકિત થઈ શકે છે.

મધ્યપ્રદેશ સરકારે જારી કરેલા આદેશમાં કહ્યું છે કે જો તે રાજ્યમાં આવનાર કોઈપણ વ્યક્તિ, સરકારી અધિકારી અથવા સંસ્થાની તપાસ કરવા માંગે છે તો સીબીઆઈને મધ્ય પ્રદેશ પ્રશાસનની લેખિત મંજૂરી લેવી પડશે. ભાજપ શાસિત મધ્યપ્રદેશ પણ હવે એ રાજ્યોમાં સામેલ થઈ ગયું છે જ્યાં તપાસ પહેલા સીબીઆઈની મંજૂરીની જરૂૂર પડે છે. અત્યાર સુધી મોટાભાગના રાજ્યોમાં જ્યાં આ નિયમો લાગુ છે ત્યાં વિપક્ષની સરકાર છે. જેમાં પશ્ચિમ બંગાળ, તમિલનાડુ, પંજાબ, કેરળ અને તેલંગાણા જેવા રાજ્યોનો સમાવેશ થાય છે. દિલ્હીના સ્પેશિયલ પોલીસ એસ્ટાબ્લિશમેન્ટ એક્ટની કલમ 6 મુજબ સીબીઆઈએ તેના અધિકારક્ષેત્રમાં તપાસ કરવા માટે રાજ્ય સરકારની સંમતિ લેવી જરૂૂરી છે.