પરાળી બાળનાર ખેડૂતોને જેલમાં મોકલો તો બધું બરાબર થઇ જશે

દિલ્હી-એનસીઆરમાં પરાળી બાળવાના મુદ્દા પર કડક વલણ અપનાવતા સુપ્રીમ કોર્ટે કહ્યું કે પહેલા, વારંવાર નિયમોનું ઉલ્લંઘન કરનારા કેટલાક ખેડૂતોને જેલમાં મોકલવા જોઈએ. સુપ્રીમ કોર્ટે કહ્યું કે જો કેટલાક પરાળી બાળનારાઓને જેલમાં મોકલવામાં આવે તો બધું બરાબર થઈ જશે કારણ કે તે એક ઉદાહરણ સ્થાપિત કરશે. કોર્ટે કડક શબ્દોમાં કહ્યું કે તે પરાળી બાળનારા ખેડૂતો સામે કાર્યવાહી ઇચ્છે છે.

વધુમાં, કોર્ટે કેન્દ્રીય પ્રદૂષણ નિયંત્રણ બોર્ડ અને વાયુ ગુણવત્તા વ્યવસ્થાપન આયોગને ત્રણ મહિનાની અંદર બધી ખાલી જગ્યાઓ ભરવાનો નિર્દેશ આપ્યો.દિલ્હી-એનસીઆરમાં દર વર્ષે ઓક્ટોબરમાં થતા વાયુ પ્રદૂષણ સંબંધિત અરજીઓની સુનાવણી કરતી વખતે, ભારતના મુખ્ય ન્યાયાધીશ (CJI) જસ્ટિસ બીઆર ગવઈએ બુધવારે કહ્યું હતું કે પરાળી બાળવા બદલ કેટલાક ખેડૂતોને જેલમાં ધકેલી દેવાથી અન્ય લોકોને મજબૂત સંદેશ મળી શકે છે.
તેમણે પૂછ્યું કે તેઓ ખેડૂતો સામે કાર્યવાહી કરવામાં કેમ ખચકાટ અનુભવી રહ્યા છે.