સદ્ગુરુ જગ્ગી વાસુદેવના ઈશા ફાઉન્ડેશન સામેના ફોજદારી કેસોની વિગતો માગતી HC

વાસુદેવે પુત્રીના લગ્ન કરી જીવનમાં સારી રીતે સ્થાપિત કરી, અન્યને ભૌતિક જીવનનો ત્યાગ કરવા પ્રોત્સાહિત કરે છે

મદ્રાસ હાઈકોર્ટે સોમવારે તામિલનાડુ સરકારને આધ્યાત્મિક ગુરુ જગ્ગી વાસુદેવના ઈશા ફાઉન્ડેશન સામે નોંધાયેલા તમામ ફોજદારી કેસોની વિગતો સબમિટ કરવાનો નિર્દેશ આપ્યો છે. જસ્ટિસ એસ.એમ. જસ્ટિસ સુબ્રમણ્યમ અને વી. શિવગનમની બેન્ચે જણાવ્યું હતું કે ફાઉન્ડેશન સામે ઘણી ફોજદારી ફરિયાદો હોવાથી આ મુદ્દા પર વધુ ચર્ચા કરવાની જરૂૂર છે.

અરજીકર્તાના વિદ્વાન વકીલે પણ રજૂઆત કરી હતી કે અન્ય ઘણા ફોજદારી કેસ નોંધાયેલા છે અને આરોપો પેન્ડિંગ છે. સંસ્થા પર લાગેલા આક્ષેપોની ગંભીર પ્રકૃતિ અને અટકાયતીઓએ અમારી સાથે જે રીતે વાત કરી છે તે જોતાં, અમારું માનવું છે કે આરોપો પાછળની સત્યતાને સમજવા માટે થોડી વધુ ચર્ચા કરવાની જરૂૂર છે. તેથી, અરજદાર સંસ્થા સામે નોંધાયેલા ફોજદારી કેસોની વિગતો સબમિટ કરશે અને વિદ્વાન અધિક સરકારી વકીલ પણ તે તમામ કેસોની વિગતો એકત્રિત કરશે અને વધુ ચર્ચા માટે અમારી સમક્ષ મૂકશે, તેમ હાઇકોર્ટે જણાવ્યું હતું.
અદાલતે એ બાબતે પણ ગંભીર શંકા વ્યક્ત કરી કે શા માટે શ્રી જગ્ગી વાસુદેવે તેમની પુત્રીના લગ્ન કરાવ્યા અને તેણીને જીવનમાં સારી રીતે સ્થાપિત કરી,

પરંતુ અન્ય મહિલાઓને તેમના ભૌતિક જીવનનો ત્યાગ કરવા માટે પ્રોત્સાહિત કરી રહ્યા છે.અમે જાણવા માંગીએ છીએ કે શા માટે એક વ્યક્તિ, જેણે તેની પુત્રી ના લગ્ન કરાવ્યા અને તેણીને જીવનમાં સારી રીતે સ્થાપિત કરી, તે વ્યક્તિ શા માટે અન્યની પુત્રીઓને તેમના માથા મુંડાવવા અને સંન્યાસીનું જીવન જીવવા માટે પ્રોત્સાહિત કરે છે. આજ બાબત શંકા ઉભી છે,સ્ત્રસ્ત્ર તેમ બેન્ચે મૌખિક રીતે ટિપ્પણી કરી હતી. ( બાર એન્ડ બેંચ વેબસાઈટમાં પ્રસિદ્ધ થયેલો અહેવાલ આ સાથે સાભાર પ્રસિદ્ધ કરાયો છે.)