વિજિલન્સના દરોડા બાદ પંજાબના પૂર્વ મંત્રી મજીઠિયાની ધરપકડ

મજીઠિયા શિરોમણી અકાલી દળના વડા સુખબીર સિંહ બાદલના સાળા છે. મજીઠિયાને મોહાલી લઈ જવામાં આવ્યા છે. અકાલી દળના નેતાઓએ મજીઠિયાના ઘરમાં પ્રવેશવાનો પ્રયાસ કર્યો હતો, પરંતુ ઝપાઝપી બાદ તેમને પાછળ ધકેલી દેવામાં આવ્યા હતા.અકાલી દળના નેતાઓએ અપ્રમાણસર સંપત્તિ કેસમાં ધરપકડ કરવામાં આવી છે. અગાઉ, મજીઠિયાના પત્ની અને અકાલી ધારાસભ્ય ગનીવ કૌર મજીઠિયાએ દાવો કર્યો હતો કે બ્યુરોની 30 સભ્યોની ટીમ તેમના ઘરમાં પ્રવેશી હતી. તેમણે કહ્યું કે દરોડા શા માટે પાડવામાં આવ્યા તે અંગે તેમને જાણ કરવામાં આવી નથી.

વિજિલન્સ બ્યુરોની ટીમે તેમના ઘરે દરોડા પાડ્યાના 10 મિનિટ પછી બિક્રમ મજીઠિયા દ્વારા એક વીડિયો પણ શેર કરવામાં આવ્યો હતો જેમાં આરોપ લગાવવામાં આવ્યો હતો કે ભગવંત માન સરકાર ડ્રગ કેસમાં તેમની વિરુદ્ધ કંઈપણ શોધવામાં નિષ્ફળ રહ્યા પછી તેમની સામે ખોટો કેસ દાખલ કરવાનો પ્રયાસ કરી રહી છે. ભગવંત માન જી, આ સમજો, તમે ગમે તેટલી FIR  નોંધાવો, ન તો હું ડરીશ અને ન તો તમારી સરકાર મારો અવાજ દબાવી શકશે, મજીઠિયાએ કહ્યું મેં હંમેશા પંજાબના મુદ્દાઓ વિશે વાત કરી છે. અને આમ કરવાનું ચાલુ રાખીશ, તેમણે ઉમેર્યું.