પાંચ સ્ટાર્ટ અપની એમડીએ એન્કરનું અપહરણ કરાવ્યું

હૈદરાબાદમાં એક ચોંકાવનારો કિસ્સો સામે આવ્યો છે. એક બિઝનેસ વુમેને એક ટીવી એન્કરનું અપહરણ કર્યું જ્યારે તેણે તેના લગ્નના પ્રસ્તાવને નકારી કાઢ્યો. પોલીસના જણાવ્યા અનુસાર, એક બિઝનેસ વુમનની એક ટેલિવિઝન એન્કરનો પીછો કરવા અને તેના લગ્નના પ્રસ્તાવને નકાર્યા બાદ તેનું અપહરણ કરવા બદલ ધરપકડ કરવામાં આવી છે. મહિલાના જણાવ્યા મુજબ, એક અજાણ્યા વ્યક્તિએ પોતાને ટીવી એન્કર તરીકે ઓળખાવ્યો અને પછી કથિત રીતે તેની સાથે છેતરપિંડી કરી અને પૈસા લઈને ગાયબ થઈ ગયો.

આરોપી મહિલાની ઓળખ ભોગીરેડ્ડી ત્રિશા તરીકે થઈ છે, જે પાંચ સ્ટાર્ટઅપ કંપનીઓના મેનેજિંગ ડિરેક્ટર છે. ત્રિશાએ મેટ્રિમોનિયલ વેબસાઇટ પર ટીવી મ્યુઝિક ચેનલના એન્કર પ્રણવની પ્રોફાઇલ જોઈ અને પછી પ્રણવનો સંપર્ક કર્યો. જ્યારે પ્રણવે લગ્નનો પ્રસ્તાવ નકારી કાઢ્યો ત્યારે તેનું અપહરણ કરવામાં આવ્યું હતું. આ દરમિયાન ત્રિશાએ તેના મિત્રોની મદદ પણ લીધી હતી. આ પછી પ્રણવ કોઈક રીતે નાસી છૂટ્યો અને પછી પોલીસને સમગ્ર ઘટનાની જાણ કરી અને મદદ માંગી.

જો કે, તપાસમાં બહાર આવ્યું છે કે પ્રણવની મેટ્રિમોનિયલ પ્રોફાઇલ કોઈ અજાણ્યા વ્યક્તિ દ્વારા ખોટી રીતે સબમિટ કરવામાં આવી હતી. મહિલા બે વર્ષ પહેલા ભારત મેટ્રિમોનિયલ વેબસાઈટ દ્વારા ચૈતન્ય રેડ્ડી નામના અજાણ્યા પુરુષના સંપર્કમાં આવી હતી.વાતચીત આગળ વધતાં તેઓ વોટ્સએપ અને ઈન્સ્ટાગ્રામ પર ચેટ કરવા લાગ્યા હતા. પોલીસના જણાવ્યા અનુસાર તપાસ દરમિયાન રસપ્રદ માહિતી સામે આવી છે.

થોડા સમય પછી, તે વ્યક્તિએ તેને સારા વળતરનું વચન આપીને તેના વ્યવસાયમાં રોકાણ કરવાનું કહ્યું. પોલીસના જણાવ્યા અનુસાર, ત્રિશાએ કથિત રીતે યુપીઆઈ દ્વારા પુરુષને 40 લાખ રૂૂપિયા ચૂકવ્યા હતા, પરંતુ પૈસા મળ્યા પછી, તે અજાણ્યા વ્યક્તિએ મહિલાની અવગણના કરવાનું શરૂૂ કર્યું. જો કે, તેણીને પાછળથી સમજાયું કે એકાઉન્ટ ધારક મેટ્રિમોની સાઇટ પર પ્રોફાઇલ પિક્ચર તરીકે તેના પોતાના ફોટાને બદલે ટીવી એન્કરના ફોટાનો ઉપયોગ કરી રહ્યો હતો.

પોતાની સાથે છેતરપિંડી થઈ હોવાનું સમજીને મહિલાએ પ્રોફાઇલ પર આપેલા ફોન નંબર પર સંપર્ક કર્યો, જે પ્રણવનો હોવાનું બહાર આવ્યું. તેણે તેમને કહ્યું કે ચૈતન્ય રેડ્ડી નામના કોઈ અજાણ્યા વ્યક્તિએ તેના ફોટાનો ઉપયોગ કરીને ભારત મેટ્રિમોની પર નકલી એકાઉન્ટ બનાવ્યું હતું અને તેણે સાયબર સેલમાં ફરિયાદ પણ કરી હતી. જોકે, મહિલાએ એન્કરને મેસેજ કરવાનું ચાલુ રાખ્યું હતું.

પોલીસે જણાવ્યું કે આ પછી એન્કરે મહિલાનો નંબર બ્લોક કરી દીધો. પોલીસે જણાવ્યું કે એન્કર સાથે લગ્ન કરવા પર મક્કમ રહેતી મહિલાએ આ મામલો ઉકેલી શકીશું એવું વિચારીને તેનું અપહરણ કરવાની યોજના બનાવી હતી.
પોલીસે જણાવ્યું કે 11 ફેબ્રુઆરીના રોજ ચાર ભાડે રાખેલા માણસોએ એન્કરનું અપહરણ કર્યું હતું અને તેને મહિલાની ઓફિસમાં લઈ ગયા હતા અને તેને ખૂબ માર માર્યો હતો. પોલીસે જણાવ્યું કે પોતાના જીવના ડરથી ટીવી એન્કર મહિલાના કોલનો જવાબ આપવા માટે સંમત થયો અને ત્યાર બાદ જ તેને જવા દેવામાં આવ્યો. બાદમાં, તેઓએ ઉપ્પલ પોલીસ સ્ટેશનમાં ફરિયાદ નોંધાવી હતી.