જમ્મુ-કાશ્મીરમાં ત્રણ તબક્કામાં અને હરિયાણામાં એક તબક્કામાં યોજાશે ચૂંટણી, આ તારીખે આવશે પરિણામ

ચૂંટણી પંચ આજે જમ્મુ કાશ્મીર અને હરિયાણા વિધાનસભા ચૂંટણીની તારીખોની જાહેરાત કરી છે. રાજીવ કુમારે કહ્યું કે અમે વચન આપ્યું હતું કે ચૂંટણી ટૂંકી કરવામાં આવશે અને જમ્મુ-કાશ્મીરમાં ત્રણ તબક્કામાં મતદાન થશે. પ્રથમ તબક્કાનું મતદાન 18 સપ્ટેમ્બરે, બીજા તબક્કાનું 25 સપ્ટેમ્બરે અને ત્રીજા તબક્કાનું મતદાન 1 ઓક્ટોબરે થશે.

ચૂંટણી પંચે હરિયાણા વિધાનસભાની 90 બેઠકોની તારીખોની જાહેરાત કરી છે. હરિયાણાની તમામ 90 સીટો માટે એક જ તબક્કામાં મતદાન થશે. તમામ 90 બેઠકો પર 1 ઓક્ટોબરે મતદાન થશે અને 4 ઓક્ટોબરે મતગણતરી બાદ ચૂંટણી પરિણામો આવશે. મુખ્ય ચૂંટણી કમિશનર રાજીવ કુમારે ચૂંટણી કાર્યક્રમની જાહેરાત કરી હતી.

જમ્મુ-કાશ્મીરમાંથી કલમ 370 હટાવ્યા બાદ આ પ્રથમ વિધાનસભા ચૂંટણી હશે. 5 ઓગસ્ટ, 2019ના રોજ જમ્મુ અને કાશ્મીરમાંથી કલમ 370 હટાવવામાં આવી હતી.