ઝારખંડ અને પશ્ર્ચિમ બંગાળમાં 40 સ્થળે ઇડીના સામૂહિક દરોડા
કોલસા માફિયાઓ ઉપર કસ્યો સિકંજો
એન્ફોર્સમેન્ટ ડિરેક્ટોરેટ (ED) ના રાંચી પ્રાદેશિક કાર્યાલયે ઝારખંડમાં 18 સ્થળોએ દરોડા પાડ્યા છે. આ દરોડા અનિલ ગોયલ, સંજય ઉદ્યોગ, એલબી સિંહ અને અમર મંડલ સાથે સંકળાયેલા કોલસા ચોરી અને દાણચોરીના કેસોથી સંબંધિત છે. અધિકારીઓના જણાવ્યા અનુસાર, આ કેસોમાં કોલસા ચોરી અને ઉચાપતનો સમાવેશ થાય છે, જેના પરિણામે સરકારને કરોડો રૂૂપિયાનું નોંધપાત્ર નાણાકીય નુકસાન થયું છે.
અધિકારીઓએ જણાવ્યું હતું કે દરોડામાં નરેન્દ્ર ખડકા, અનિલ ગોયલ, યુધિષ્ઠિર ઘોષ, કૃષ્ણ મુરારી કાયલ અને અન્ય લોકો સાથે જોડાયેલા સ્થળોનો પણ સમાવેશ થાય છે. શુક્રવાર સવારથી દરોડા ચાલુ છે.
વધુમાં, EDપશ્ચિમ બંગાળમાં 24 સ્થળો પર દરોડા પાડી રહી છે. ગેરકાયદેસર કોલસા ખાણકામ, ગેરકાયદેસર કોલસા પરિવહન અને કોલસા સંગ્રહ સંબંધિત કેસોના સંદર્ભમાં દુર્ગાપુર, પુરુલિયા, હુગલી અને કોલકાતા જિલ્લામાં આ કાર્યવાહી હાથ ધરવામાં આવી રહી છે. અધિકારીઓએ જણાવ્યું હતું કે કોલસા માફિયાઓ સામે આ સંયુક્ત કાર્યવાહી ઝારખંડ અને પશ્ચિમ બંગાળમાં 40 થી વધુ જગ્યાઓ પર કરવામાં આવી રહી છે.
