દિલ્હી સહિતના 4 રાજ્યોમાં ધરા ધ્રૂજી, સિક્કિમ, ઓડિશા, બિહાર, હરિયાણામાં ભૂકંપના જોરદાર આંચકા અનુભવાયા
દિલ્હી-એનસીઆરમાં આજે વહેલી સવારે તીવ્ર ભૂકંપનો આંચકો અનુભવાયો હતો. દિલ્હી, નોઈડા, ગાઝિયાબાદ અને સમગ્ર એનસીઆરમાં આવેલો આ ભૂકંપ ખૂબ જ જોરદાર હતો. ભૂકંપના આંચકાથી લોકો ડરી ગયા. દિલ્હી-એનસીઆર બાદ બિહાર, હરિયાણા, સિક્કિમ ઓડિશા અને બાંગ્લાદેશમાં પણ ભૂકંપના આંચકા અનુભવાયા.
બિહારમાં પણ ભૂકંપના જોરદાર આંચકા અનુભવાયા છે. રિક્ટર સ્કેલ પર તેની તીવ્રતા 4.0 હતી. સિવાન તેનું કેન્દ્ર હતું. 8.02 વાગ્યે ભૂકંપ આવ્યો. આના અઢી કલાક પહેલા દિલ્હી-NCRમાં ભૂકંપના જોરદાર આંચકા અનુભવાયા હતા. તેની તીવ્રતા પણ 4.0 હતી પરંતુ આંચકો ખૂબ જ જોરદાર હતો. સવારે 5.36 વાગ્યે આવેલા આ ભૂકંપની તીવ્રતા એટલી જોરદાર હતી કે તેણે વહેલી સવારે દિલ્હીના લોકોને હચમચાવી દીધા હતા. ગુરુગ્રામ-ફરીદાબાદમાં પણ ભૂકંપના આંચકા અનુભવાયા હતા.
ભૂકંપના જોરદાર આંચકાને કારણે ઘણા વિસ્તારોમાં લોકો ગભરાઈને ઘરની બહાર નીકળી આવ્યા હતા. જોકે, અત્યાર સુધી કોઈ જાનમાલના નુકસાનના અહેવાલ નથી. પ્રધાનમંત્રી નરેન્દ્ર મોદીએ ભૂકંપ અંગે સોશિયલ મીડિયા પ્લેટફોર્મ X પર ટ્વિટ કર્યું. તેમણે લોકોને સાવધાન રહેવાની અપીલ કરી. તેમણે એમ પણ કહ્યું કે અધિકારીઓ પરિસ્થિતિ પર નજર રાખી રહ્યા છે.
ભૂકંપ કેમ અને કેવી રીતે આવે છે?
ધરતીની અંદર પ્લેટોના અથડામણને કારણે ભૂકંપ આવે છે. ભૂસ્તરશાસ્ત્રના નિષ્ણાતો કહે છે કે આપણી પૃથ્વી 12 ટેક્ટોનિક પ્લેટ પર સ્થિત છે. આ પ્લેટો અથડાતી વખતે જે ઉર્જા બહાર આવે છે તેને ભૂકંપ કહેવાય છે. નિષ્ણાતોના મતે, પૃથ્વીની નીચે હાજર આ પ્લેટો ખૂબ જ ધીમી ગતિએ ફરતી રહે છે. દર વર્ષે આ પ્લેટો તેમની જગ્યાએથી 4-5 મીમી ખસી જાય છે. આ સમયગાળા દરમિયાન, કેટલીક પ્લેટ્સ અન્યથી દૂર ખસી જાય છે અને કેટલીક અન્ય નીચેથી સરકી જાય છે. આ સમય દરમિયાન પ્લેટોના અથડામણને કારણે ભૂકંપ આવે છે.
