ભારતની 300થી વધુ બેન્કો પર સાઈબર એટેક, UPI-ATM સર્વિસ ઠપ
હાલમાં જ માઈક્રોસોફ્ટના સર્વરમાં ગરબડના કારણે બેંકોથી લઈને શેરબજાર સુધી દુનિયાભરમાં હોબાળો મચી ગયો હતો, ત્યારે હવે ભારતીય બેંકિંગ સિસ્ટમ પર મોટો સાયબર અટેક થયો છે અને તેના કારણે દેશભરની લગભગ 300 નાની બેંકો અને નાણાકીય સંસ્થાઓનું બેંકિંગ સંબંધિત કામ ઠપ થઈ ગયું છે. ગ્રાહકો પણ એટીએમમાંથી પૈસા ઉપાડી શકતા નથી. તો બીજી તરફ, UPI દ્વારા રકમ ટ્રાન્સફર કરવામાં સમસ્યાઓનો સામનો કરવો પડી રહ્યો છે.અહેવાલો અનુસાર, આ સાયબર હુમલો તે કંપની પર થયો છે જે આ તમામ નાની બેંકોને તકનીકી સહાય પૂરી પાડે છે.
મીડિયા અહેવાલો અનુસાર આજર ભારતીય બેંકિંગ સિસ્ટમ વિશે એક મોટા સમાચાર આવ્યા, સી-એજ ટેક્નોલોજી કંપની પર રેન્સમવેર હુમલો કરવામાં આવ્યો. આ કંપની દેશની તમામ નાની બેંકોને ટેક્નિકલ સપોર્ટ સેવાઓ પૂરી પાડે છે. આવી સ્થિતિમાં, આ કંપની પર સાયબર હુમલાની સીધી અસર તેની સાથે સંકળાયેલી લગભગ 300 બેંકો પર પડી છે. આના કારણે જેડીમાં સામેલ બેંકોની પેમેન્ટ સિસ્ટમમાં પણ ખામીઓ જોવા મળી હતી.
આ મામલા સાથે સીધા જ સંબંધિત બે સ્ત્રોતોને ટાંકીને અહેવાલમાં જણાવાયું છે કે દેશભરની નાની બેંકોને બેંકિંગ તકનીકી સહાય પૂરી પાડતી C-Edge Technologies આ સાયબર હુમલાથી ખરાબ રીતે પ્રભાવિત થઈ છે. જોકે, આ સાયબર હુમલાને લઈને સી-એજ ટેક્નોલોજી દ્વારા કોઈ ટિપ્પણી કરવામાં આવી નથી. આ મામલે રિઝર્વ બેંક ઓફ ઈન્ડિયા (RBI) દ્વારા કોઈ નિવેદન બહાર પાડવામાં આવ્યું નથી.
જો કે, આ સાયબર હુમલાની નોંધ લેતા, ભારતમાં પેમેન્ટ સિસ્ટમની દેખરેખ રાખતી સંસ્થા નેશનલ પેમેન્ટ કોર્પોરેશન ઓફ ઈન્ડિયા (NPCI) એ આ કંપનીના કામ પર અસ્થાયી રૂપે પ્રતિબંધ મૂક્યો છે. બુધવારે જારી કરાયેલા એક નિવેદનમાં NPCIએ કહ્યું છે કે C-Edge ટેક્નોલોજી પર થોડા સમય માટે પ્રતિબંધ મૂકવામાં આવ્યો છે અને આ કંપની આગામી આદેશો સુધી રિટેલ પેમેન્ટ સિસ્ટમથી દૂર રહેશે.
