કોરોના ફેલાયો: પુડુંચેરી, તામિલનાડુમાં 12-12 કેસ

હોંગકોંગ અને સિંગાપોર સહિત એશિયાના કેટલાક ભાગોમાં ચેપના પુનરાગમન વચ્ચે, આરોગ્ય અધિકારીઓ ઘણા રાજ્યોમાં કોવિડ-19 કેસોમાં વધારા પર નજીકથી નજર રાખી રહ્યા છે કારણ કે સિંગાપોર-હોંગકોંગ પછી, હવે ભારતમાં પણ કોરોનાના કેસ વધી રહ્યા છે. મુંબઈ, ચેન્નાઈ અને અમદાવાદ જેવા શહેરોમાં પણ ચેપના કેસોમાં વધારો નોંધાયો છે. માહિતી અનુસાર, તમિલનાડુમાં કોવિડ-19 ના 12 નવા કેસ નોંધાયા છે, જ્યારે પુડુચેરીમાં 12 નવા કેસ નોંધાયા છે. પહેલા ઈન્ફલ્યુએન્ઝાથી થતો તાવ હવે કોવિડ-19 સાથે જોડાઈ રહ્યો છે. કર્ણાટકના આરોગ્ય પ્રધાન દિનેશ ગુંડુ રાવના જણાવ્યા અનુસાર, કર્ણાટકમાં કોવિડ-19 ના 16 સક્રિય કેસ નોંધાયા છે. ગુજરાતના અમદાવાદમાં એક જ દિવસમાં સાત નવા કેસ નોંધાયા છે. વિશ્વ આરોગ્ય સંસ્થા (WHO)એ મે 2023 માં રોગચાળાના અંતની જાહેરાત કરી હોવા છતાં, COVID-19 હજુ પણ વૈશ્વિક સ્તરે ફેલાઈ રહ્યું છે. ભારતમાં મોટાભાગના કેસ હળવા છે અને ફક્ત કોરોનાથી થતા મૃત્યુ અથવા ICUમાં દાખલ થવાનો સંબંધ નવા કેસ સાથે નથી.રાજ્ય આરોગ્ય વિભાગ (મહારાષ્ટ્ર) કહે છે કે જાન્યુઆરીથી અત્યાર સુધીમાં કોરોનાવાયરસ માટે કુલ 6,066 સ્વેબ નમૂનાઓનું પરીક્ષણ કરવામાં આવ્યું છે.

જેમાંથી 106 લોકો પોઝિટિવ જોવા મળ્યા છે. આમાંથી 101 મુંબઈના હતા અને બાકીના પુણે, થાણે અને કોલ્હાપુરના હતા. આરોગ્ય વિભાગે જણાવ્યું હતું કે હાલમાં 52 દર્દીઓમાં હળવા લક્ષણો છે જ્યારે 16 દર્દીઓ હોસ્પિટલમાં સારવાર હેઠળ છે.