બેલેટ પેપરથી ચૂંટણી કરાવો; તમારું પાણી મપાઇ જશે: કોંગ્રેસનો પડકાર

લોકસભામાં ચૂંટણી સુધારા મુદ્દે ચર્ચાનો પ્રારંભ: કોંગ્રેસ સાંસદ મનિષ તિવારીએ બેલેટ પેપર ઉપરાંત ચૂંટણી પહેલા ખાતામાં રોકડ ટ્રાન્સફર પર પ્રતિબંધ સાથે ચૂંટણી કમિશનરની નિમણૂક પ્રક્રિયા બદલવા સહિત 3 માગણી મૂકી: અખિલેશનું સમર્થન

ચૂંટણી પંચ (ECI) દ્વારા હાથ ધરવામાં આવી રહેલા ચૂંટણી સુધારા અને વિવિધ રાજ્યોમાં શરૂૂ કરાયેલી મતદાર યાદીઓની સ્પેશિયલ ઇન્ટેન્સિવ રિવિઝન (SIR) પ્રક્રિયા પર લોકસભામાં ચર્ચા ચાલી રહી છે. વિપક્ષ વતી ચર્ચા શરૂૂ કરતા કોંગ્રેસના સાંસદ મનીષ તિવારીએ કહ્યું કે આ પ્રક્રિયા ચૂંટણી પંચની નિષ્પક્ષતા પર પ્રશ્નો ઉભા કરે છે. ચૂંટણી પંચ વિશે પ્રશ્નો ઉભા થઈ રહ્યા છે અને લોકોમાં ચૂંટણી પંચ વિશે મૂંઝવણ છે. તેમણે કહ્યું કે દેશમાં સૌથી મોટો ચૂંટણી સુધારો રાજીવ ગાંધી દ્વારા કરવામાં આવ્યો હતો.

તિવારીએ ચૂંટણી સુધારા અંગે સંસદમાં ત્રણ મુખ્ય માંગણીઓ કરી હતી. પ્રથમ, રાજ્યસભામાં વિરોધ પક્ષના નેતા અને સુપ્રીમ કોર્ટના મુખ્ય ન્યાયાધીશને ચૂંટણી પંચના અધિકારીઓની પસંદગીમાં સામેલ કરવા જોઈએ. બીજું, જે રીતે SIR પ્રક્રિયા હાથ ધરવામાં આવી રહી છે તે ખોટી છે. તેને સમગ્ર રાજ્યમાં લાગુ કરવું ખોટું છે; તે ફક્ત તે વિધાનસભા અથવા લોકસભા મતવિસ્તારમાં જ હાથ ધરવામાં આવે છે જ્યાંથી ફરિયાદ મળી હોય. ચૂંટણી પહેલા ખાતાઓમાં પૈસા ટ્રાન્સફર કરવાનું બંધ કરવું જોઈએ. ત્રીજી માંગણી કરતા તેમણે કહ્યું કે ચૂંટણી પેપર બેલેટનો ઉપયોગ કરીને કરાવવી જોઈએ. છ રાજયોમાં આવતા વર્ષે ચુંટણી યોજાવાની છે. જો ઇવીએમમાં બધુ બરાબર હોય તો બેલેટ પેપરથી ચુંટણી કરાવો, દુધનું દુધ અને પાણીનું પાણી થઇ જશે. તેમણે કહ્યું કે ચૂંટણી પંચ પાસે SIR સુધારા લાગુ કરવાનો કોઈ અધિકાર નથી.

કોંગ્રેસના સાંસદ મનીષ તિવારીએ પેપર બેલેટથી ચૂંટણી કરાવવાની માંગણી કરતા પ્રશ્ન ઉઠાવ્યો કે શું ચૂંટણીઓ પેપર બેલેટથી થવી જોઈએ કે પછી ઊટખ ગણતરીને બદલે 100% ટટઙઅઝ ગણતરી અપનાવવી જોઈએ.

તેમણે દાવો કર્યો હતો કે ઊટખ મતોમાં છેડછાડ થઈ શકે છે. તેમણે એમ પણ કહ્યું કે દેશમાં સૌથી મોટો ચૂંટણી સુધારો રાજીવ ગાંધીના કાર્યકાળ દરમિયાન થયો હતો જ્યારે મતદાનની ઉંમર 21 થી ઘટાડીને 18 વર્ષ કરવામાં આવી હતી.

સપા નેતા અખિલેશ યાદવે કહ્યું કે સુધારાની આ પ્રક્રિયા ચૂંટણી પંચથી જ શરૂૂ થવી જોઈએ. ચંદીગઢ જેવી મત ચોરી, બંદૂકની અણીએ લોકોને મતદાન કરતા અટકાવવા, સોગંદનામાની રસીદો હોવા છતાં તે આપવાનો ઇનકાર કરવો, એક જ મતદાર દ્વારા બહુવિધ મત આપવાની મંજૂરી આપવી અને યોજનાઓ દ્વારા મતદાન દરમિયાન લાંચ આપવી, આ બધું બંધ થવું જોઈએ. "એક રાષ્ટ્ર એક ચૂંટણી" નીતિ સાથે મતદાર યાદીઓના એકીકરણ અંગે, હું કહીશ કે ઉત્તર પ્રદેશમાં આધાર જેવા કાર્ડ સ્વીકારવામાં આવી રહ્યા નથી. આ SIR નથી; તેઓ ગુપ્ત રીતે ગછઈ પર કામ કરી રહ્યા છે. ઉત્તર પ્રદેશના મુખ્યમંત્રી કહી રહ્યા છે કે તેઓ અટકાયત કેન્દ્રો બનાવી રહ્યા છે. લોકશાહીમાં વિશ્વાસ પુન:સ્થાપિત થવો જોઈએ, ઊટખ દૂર કરવા જોઈએ અને મતદાન મતદાન દ્વારા ચૂંટણીઓ થવી જોઈએ. ચૂંટણી પંચે સરકારના ઇશારે કામ ન કરવું જોઈએ. ચૂંટણી પંચ કોઈ એક વિચારધારાનું જૂથ ન બનવું જોઈએ.

પ્રથમ વોટ ચોરી 1947માં થઇ હતી: ભાજપા સાંસદ જયસ્વાલ

બિહારના પશ્ચિમ ચંપારણના ભાજપના સાંસદ સંજય જયસ્વાલે 1947માં થઈ હતી, જ્યારે સમગ્ર CWCએ સરદાર પટેલને પીએમ તરીકે ચૂંટ્યા હતા, પરંતુ નેહરુને પીએમ બનાવવામાં આવ્યા હતા. તેમણે રાજીવ ગાંધીની હત્યા પછી દેશભરમાં ચૂંટણીઓ મુલતવી રાખવાનો અને 1991ની કાશ્મીર ચૂંટણીનો ઉલ્લેખ કરીને કહ્યું કે તે સમયે મત ચોરી થઈ હતી. 1957માં બિહારમાં બૂથ કેપ્ચરિંગ શરૂૂ થયું હતું અને આ વખતે એક પણ હત્યા થઈ નથી.