આધાર-પેન્શન-GST-બેકિંગ સહિત છ નિયમોમાં આજથી ફેરફાર

આધારમાં 5થી 15 વર્ષના બાળકો માટે બાયોમેટ્રિક અપડેટ એક વર્ષ માટે ફ્રી, બેંકના ખાતા-લોકરમાં ચાર નોમિની રાખી શકાશે

કેન્દ્ર અને રાજ્યના પેન્શનરોને 30 નવેમ્બર સુધીમાં વાર્ષિક જીવન પ્રમાણપત્ર સબમિટ કરવું ફરજિયાત

1 નવેમ્બર, 2025 થી દેશભરમાં આધાર, બેંકિંગ, પેન્શન અને GSTને લગતા 6 મહત્ત્વના નાણાકીય નિયમો અમલમાં આવ્યા છે, જે સામાન્ય લોકોના રોજિંદા જીવન અને નાણાકીય વ્યવસ્થા પર સીધી અસર કરશે. આધાર માં 5 થી 15 વર્ષના બાળકો માટે બાયોમેટ્રિક અપડેટ ફી (₹125) 1 વર્ષ માટે માફ કરવામાં આવી છે. બેંક નોમિનેશન નિયમો બદલાતા હવે એક ખાતામાં ચાર વ્યક્તિઓને નોમિનેટ કરી શકાશે.

GSTસ્લેબ નું પુનર્ગઠન થયું છે, જેમાં 12% અને 28% સ્લેબ નાબૂદ કરીને વૈભવી વસ્તુઓ પર 40% નો નવો સ્લેબ લાગુ કરાયો છે. આ ઉપરાંત, પેન્શનરો માટે 30 નવેમ્બર, 2025 સુધીમાં જીવન પ્રમાણપત્ર સબમિટ કરવું ફરજિયાત છે, જ્યારે ઙગઇ લોકર ચાર્જ અને જઇઈં ક્રેડિટ કાર્ડ પર શૈક્ષણિક ફી ની ચુકવણી પર 1% વધારાની ફી લાગુ થશે.
નવેમ્બર મહિનાની શરૂૂઆત સાથે જ દેશમાં ઘણા મહત્ત્વપૂર્ણ નાણાકીય નિયમો લાગુ કરવામાં આવ્યા છે.

નિષ્ણાતોના મતે, આ ફેરફારો ડિજિટલ વ્યવહારોને વધુ સુરક્ષિત બનાવવા, પેન્શન સિસ્ટમને સરળ બનાવવા અને નાણાકીય પારદર્શિતા વધારવાના હેતુથી કરવામાં આવ્યા છે. જોકે, કેટલાક બેંકિંગ અને ક્રેડિટ કાર્ડ ચાર્જમાં વધારો થવાથી સામાન્ય માણસના વોલેટ પર થોડો ભાર પણ પડશે.પુખ્ત વયના લોકો માટે ફી: પુખ્ત વયના લોકો માટે નામ, સરનામું અથવા મોબાઇલ નંબર બદલવા માટે ₹75 અને ફિંગરપ્રિન્ટ/આઇરિસ સ્કેન અપડેટ માટે ₹125 ની ફી ચાલુ રહેશે. હવે કોઈપણ દસ્તાવેજો વિના પણ આધાર અપડેટ કરવું સરળ બનશે.બેંક ગ્રાહકો હવે એક ખાતા, લોકર અથવા સલામત કસ્ટડી આઇટમ માટે એકને બદલે ચાર (4) લોકોને નોમિનેટ કરી શકશે.હિસ્સાની સ્પષ્ટતા: ગ્રાહકો તેમની સંપત્તિનો હિસ્સો પણ સ્પષ્ટ કરી શકે છે, જેનાથી કટોકટીની સ્થિતિમાં પરિવાર માટે ભંડોળ મેળવવું સરળ બને છે અને માલિકી અધિકારો અંગેના વિવાદો ટાળી શકાય છે. આ પ્રક્રિયાને હવે ડિજિટલ માધ્યમથી સરળ બનાવવામાં આવી છે.

અગાઉના 12% અને 28% સ્લેબ ને નાબૂદ કરવામાં આવ્યા છે. નવો 40% સ્લેબ: તેના સ્થાને, સરકારે વૈભવી અને હાનિકારક ઉત્પાદનો (જેમ કે ઓટોમોબાઈલ, દારૂૂ, તમાકુ, મોંઘા ગેજેટ્સ અને કેટલાક આયાતી ઉત્પાદનો) પર 40% (ચાલીસ ટકા) નો નવો ખાસ GST સ્લેબ લાગુ કર્યો છે. 5% અને 18% સ્લેબ: ઓછી કિંમતની આવશ્યક ચીજવસ્તુઓ પર 5% અને અન્ય વસ્તુઓ પર 18% GST દર ચાલુ રહેશે.કેન્દ્ર સરકારે કર્મચારીઓ માટે યુનિફાઇડ પેન્શન યોજના (ઞઙજ) માં જોડાવાની અંતિમ તારીખ 30 નવેમ્બર, 2025 સુધી લંબાવી છે. નિવૃત્ત કેન્દ્ર અને રાજ્ય સરકારના કર્મચારીઓએ 1 નવેમ્બરથી 30 નવેમ્બર, 2025 દરમિયાન પોતાનું વાર્ષિક જીવન પ્રમાણપત્ર સબમિટ કરવું ફરજિયાત છે.

આમાં નિષ્ફળતાના પરિણામે ડિસેમ્બરથી પેન્શન ચુકવણી સ્થગિત થઈ શકે છે.
પંજાબ નેશનલ બેંક (UPS) એ 1 નવેમ્બર થી તેના લોકર ચાર્જ માળખામાં સુધારો કર્યો છે, જે કદ અને સ્થાન શ્રેણીના આધારે 10-15% વધી શકે છે. સ્ટેટ બેંક ઓફ ઈન્ડિયા (જઇઈં) એ ક્રેડિટ કાર્ડ વપરાશકર્તાઓ માટે શૈક્ષણિક સંસ્થા ફી ની ચુકવણી પર તૃતીય-પક્ષ એપ્લિકેશનો દ્વારા ચૂકવવામાં આવતી રકમ પર 1% (એક ટકા) વધારાની ફી લાગુ કરી છે. ઉપરાંત, વોલેટમાં ₹1,000 થી વધુ લોડ કરવા પર પણ 1% પ્રોસેસિંગ ચાર્જ ચૂકવવો પડશે.