શેરબજારમાં ફરી તેજી!!! સપ્તાહના પ્રથમ દિવસે સેન્સેક્સ અને નિફ્ટી વધારા સાથે ખૂલ્યા

શેરબજારમાં પાંચ દિવસના લાંબા ઘટાડા પર આજે તેજી જોવા મળી છે. સારા વૈશ્વિક સંકેતો વચ્ચે BSEનો 30 શેરનો બેન્ચમાર્ક ઈન્ડેક્સ સેન્સેક્સ 238 પોઈન્ટના વધારા સાથે 81926 ના સ્તર પર ખુલ્યો. જ્યારે NSEનો 50 શેરવાળો ઈન્ડેક્સ નિફ્ટી 69 પોઈન્ટ વધીને 25084 પર ખુલવામાં સફળ રહ્યો છે.
બેંક નિફ્ટી આજે તેના જબરદસ્ત ઉછાળા સાથે બજારને રોમાંચિત કરી રહી છે અને બેંક શેરોમાં 250 પોઈન્ટની શાનદાર શરૂઆત જોવા મળી રહી છે.

BSE સેન્સેક્સના શેરમાં 30માંથી 18 શેરમાં વેપારમાં વધારો જોવા મળી રહ્યો છે અને 12 શેરમાં ઘટાડો જોવા મળી રહ્યો છે. સેન્સેક્સમાં ITC, કોટક મહિન્દ્રા બેંક, ICICI બેંક, HCL, ભારતી એરટેલ, બજાજ ફિનસર્વ અને ટાટા મોટર્સના શેરમાં ઉછાળો જોવા મળી રહ્યો છે. ઘટતા શેરોમાં ટાઇટન, અદાણી પોર્ટ્સ, NTPC, HDFC બેન્કના શેરનો સમાવેશ થાય છે.

નિફ્ટીના 50 શેરોમાંથી 30 શેરોમાં વધારો જોવા મળી રહ્યો છે અને 19 શેરોમાં વધારો જોવા મળી રહ્યો છે અને 1 શેરમાં કોઈ ફેરફાર સાથે ટ્રેડ થઈ રહ્યો છે. આમાં પણ ITC ટોપ ગેઇનર છે અને કોટક મહિન્દ્રા બેંકના શેરમાં વધારો થઈ રહ્યો છે. ઘટી રહેલા શેરોમાં ટાઇટન અને અદાણી પોર્ટ્સના શેરમાં નબળાઈ છે.

ગિફ્ટ નિફ્ટી આજે શેરબજારની તેજીની શરૂઆતનો સંકેત આપી રહ્યો છે અને આજે તે 89.15 પોઈન્ટ અથવા 0.35 ટકાના ઉછાળા સાથે 25263 ના સ્તર પર ટ્રેડ કરી રહ્યો હતો. આના આધારે આજે નિફ્ટી 25,000થી આગળ ખુલશે તેવી અપેક્ષા હતી. બજારના જાણકારોના મતે નિફ્ટીમાં 24700નું સપોર્ટ લેવલ જોવા મળી શકે છે.