ભજ્જીએ પત્ની ગીતા બસરા સાથે હૂ ઈઝ ધ બોસ? ટોક શો શરૂ કર્યો

ક્રિકેટરોના પત્નીઓ સાથેના સંબંધોની ઝલક આપશે

ભૂતપૂર્વ ભારતીય ક્રિકેટર હરભજન સિંહે એક નવો ટોક શો હૂ ઇઝ ધ બોસ? શરૂૂ કર્યો છે. આ શોમાં તેની પત્ની અને ઍક્ટ્રેસ ગીતા બસરા કો-હોસ્ટ છે. આ શોનો હેતુ ક્રિકેટરોના અંગત જીવન અને તેમની પત્નીઓ સાથેના તેમના સંબંધોની એક દુર્લભ ઝલક આપવાનો છે. હૂ ઇઝ ધ બોસનો મુખ્ય ઉદ્દેશ સ્ટાર ક્રિકેટરોને ટેકો આપતી મહિલાઓના યોગદાનને પ્રકાશિત કરવાનો છે.

હૂ ઇઝ ધ બોસ નામની જ યુટ્યુબ ચેનલ પર આ શો માટે ઑફિશ્યલ ટ્રેલર લોન્ચ કરવામાં આવ્યું હતું જેમાં રોહિત શર્મા, જસપ્રીત બુમરાહ, સૂર્યકુમાર યાદવ અને સુરેશ રૈના તેમની પત્નીઓ સાથે જોવા મળ્યા હતા. આગામી સમયમાં આ ચેનલ પર તેમના રસપ્રદ એપિસોડ શેર કરવામાં આવશે.